السلام عليكم ورحمة الله وبركاتة
أول شي أحب أبارك للجميع بمناسبة النجاح وإلي حملو مواد لاتزعلو إن شاء الله تعوضوها المره الجايه
ثانياً سويت هذا الموضوع عشان نستفيد من المواد إلي أخذناها هذا الترم وقد ايش صعوبة وسهولة المواد وأفضل الدكاترة والدكتورات
كل وحده تكتب موادها هذا الترم سهله ولا صعبه وكيف كانت الدكتوره
حبدأ انا :-
سياسة عامة وصناعة القرار: أخذتها مع أستاذة جيهان فكهاني المنهج كان محذوف منه كثير بس المعلومات كثير ويبغالها فهم وحفظ الاسئلة كانت اعتقد مية سؤال مره سهله وحلوه .
النظام السياسي السعودي: أخذتها مع أستاذ هيثم لنجاوي مره طيب وحذف كثير الاسئلة كانت مية سؤال المادة جداً سهله وحلوة وبإذن الله تضمنو فيها الممتاز.
أساليب وطرق العمل: أخذتها مع استاذة جوهرة القحطاني المنهج كثير ويبغالة حفظ وفهم الاسئلة كانت سبعين سؤال مو واضحه وفيها لف ودوران والاسئلة يبغالها قراءه كم مره .
الإقتصاد الجزئي : أخذتها مع أستاذة كوثر شغراب شرحها جداً ممتاز وتشرح بضمير وجداً طيبة بس عيبها المكرفون حقها أغلب الوقت خربان وصوتها يطلع تعبان فيه الاسئله كانت خمسين سؤال جداً سهله ومفهومه .
العلاقات الدوليه : أخذتها مع أستاذة بسمه طويرب عيبها جداً عصبيه وماتعطي مجال للواحد يسألها الاسئلة كانت ثمانين سؤال سهله وحلوه بس القهر جابت كم سؤال من حاجات حذفتها وأغلب الاسئله كانت مكرره .