التدريب ماله علاقه بالتخرج التدريب خاص للحصول على تصنيف هيئة التخصصات بعد التخرج
الطريقة فيها مرمطة وتعب شوية هي بعد التخرج والحصول على الوثيقة التوجه الى هيئه التخصصات بالوثيقه وتستلمون خطاب موجه الى ادارة التدريب والابتعاث بمستشفى الملك فهد وتحدد لهم المستشفى اللي حابين تدربوا اي مستشفى زي الملك فهد- الامل - الثغر فيه والرسوم 3000 تدفع لادارة التدريب غير طبعا رسوم هيئه التخصصات
بعد التدريب طبعا التدريب لايقل عن ثلاثه شهور تحصل على تقييم من المستشفى اللي تدربتوا فيه وتسلمها بظرف لهيئه التخصصات بعد كذه يرسلونكم بخطاب وتقييم ثاني لمستشفى الملك فهد لجنه تقيمم عند الاستاذه امال والاستاذه زينب ويسلمونكم التقييم احتمال بنفس اليوم وترجعونه للهيئه ويعطونكم موعد اذا كنتوا عديتوا التقييم باستلام البطاقه < شرح مختصر
وزي ماذكرت التدريب خاص فقط للي يبغى يحصل على تصنيف وبدورة يتوظف كأخصائي اجتماعي
سمعت برضه انه ينفع للي موظف او بيتوظف في وزارة الشؤون الاجتماعيه
ان شاء الله اكون افدكم شموخ وابو عبدالله واي سؤال ثاني انا حاضر
تحياتي