/ لازم تكوني طليقه بالكلام يعني ماتبغى تأتأه
2/ مستوى نظرك وانتي تتكلمي لازم يتوزع على البنات كلهم مو تجلسي مثلا لما تتكلمي كأنك تكلمي صحبتك
3/ ممكن تسوي عرض بالبور بوينت بس يكون فيه النقاط الاساسيه آو تكون معاك ورقه صغيره مكتوبه فيهـآ الافكار الاساسيه فقط عشان تذكرك اذا نسيتي
4/ لو تطولي وانتي تطالعي بورقتك رآح تنقصي يااستي
5/ موضوع البرزنتيشن على كيفك تجيبيه
6/ مده البرزنتيشن من 2-5 ....يعني مايقل عن دقيقتين ولايزيد عن خمسة دقايق
|
هادا بالزبط اللي احنا قالولنا عليه اساتذتنا حقين الانجليزي ،،،
بس والله لاتشيلو هم ترا مرة سهل ،، وحلوووو ،، يعني امكن حتكون
اول مرة ليكم تتكلمو بالانجليزي قدام الفصل كامل ،، ممكن
حتتأتئو ،، وممكن
حترتجفو ،، وممكن حتى
يضيع الكلام اللي في راسكم كلو ،،،
بس نصيحة ،، لمن تطلعو لاتطالعو في الناس ،، انما
طالعو فقط في شعورهم ،، يعني لا تشوفو الملامح ،، عشان لا تتوترو ،، وبكدا يصير انتو
وزعتو النظرات ،، وفي نفس الوقت ما ترتبكو من اشكال صحباتكم ،، لو كانو بيضحكو او يبكو او اي تعبير اخر على وجههم
كمان حاولو تدربو في البيت ،، على الغدا او العشا
مع اهاليكم ،، ولو ما تقدرو ،، ممكن في
البريكات انتو كدا بنات مع بعض ،،، وصدقوووني حتلاقو نفسكم بلبل وقت البرزنتيشن ،،،
بالنسبة للباوربوينت ،، يستحسن انو يكون فقط لعرض الـ
main points وكمان بعض الصور الموضحة أو المؤكدة لموضوع البرزنتيشن ،،،
النصيحة الاخيرة ،، حاولو تختارو
مواضيع غريبة ،، يعني الدخان وحوادث السيارات والعائلة والمواضيع المستهلكة دي حتخلي الاستاذة والمستمعات ما يركزو معاكي كتير ويملو منك ويبغوكي تخلصي وبس ،، لكن لو اتكلمتي عن الهندسة الوراثية مثلا ، او الفضاء ،، او بكل بساطة السنة التحضيرية ومشاكلها ومساوئها ،، حتلاقي الموضوع
شيق ومحمس والكتير منتبهلك ،،
وفي النهاية الله يوفقكم كلكم ،، ولا تخافو ترا مرة ايزي ،، بس لازم
تثقو بنفسكم وبقدراتكم أكتر ،، ولاحد يقول ايش دا ؟؟... ايش يبغو من حياتهم؟؟ ،، ترا دا الشي مرة مهم ،، والمفروض يكون اكتر من مرة كمان
وتحياتي للجميع
أخوكم
بوزي