وعليكم السلام
الآلية كالتالي :
تدخلي على موقع جمعية القلب السعودية وهادا الرابط ksacpr.org.sa
تسجلي كل بياناتك اللي رح يطلبوها اسمك باللغه العربيه وبالانجليزية وتاريخ الميلاد وصندوق البريد والرمز البريدي والايميل وعنوان السكن ورقم الجوال والمنزل والخ...
رح يكون في بوكس يطلبوا فيه منك رقم التصنيف طبعا انتي لسى خريجه ماعندك فحتختاري no , حيجيكي بوكس تاني
عن تخصصك تكتبي none وتختاري يوزر نيم وباسوورد لما تنتهي من دا كله حيرسلولك على الايميل رقم و كود خاص فيكي
بعد كده لازم تسددي 50 ريال رسوم للموقع بالرقم اللي هما بعتولك هوا
بعد السداد تدخلي على الموقع باليوزر نيم تبعك وتختاري المكان حيطلعلك كل مستفيات ومراكز اللي عندهم دوره انعاش في جدة انتي تختاري منهم وتختاري باي لغه تبيها وازا كنتي حابه الدورة فقط نساء او من كلا الجنسين حتطلعلك كل المواعيد اختاري اللي يناسبك بعدها تتجهي فورا للمكان اللي اخترتيه وتدفعيلهم الرسوم 300 ريال
وتروحي للدورة باليوم المحدد وتخلصيها في يوم ان شاء الله ومافيها اختبار تحريري لانه تخصص علم نفس ماله وبالتوفييييييييييييييق يارب