[ريكتفاي]

الجدول راح ينزل جاهز
وتقدر تحذف مادة اذا تبغى تاخذها صيفي
بشكل عام اول سنة في الهندسة فيها 12 مادة
مقسمة على ترمين 6 مواد لكل ترم
طبعا راح يسووا مثل التحضيري طلاب ياخذوا خط أ وطلاب ياخذوا خطة ب
خطة أ= المستوى الثالث
خطة ب= المستوى الرابع
المستوى الاول والمستوى الثاني هذي السنة التحضيرية
انك تبدأ بالمستوى الثالث افضل من انك تبدأ بمواد المستوى الرابع لان المستوى الثالث اسهل
عاد انت وحظك هم راح يحطوك باي مستوى
اذا بديت بالمستوى الثالث ما انصحك تحذف اي مادة لانه ما راح يكون فيه ذاك الضغط
اما المستوى الرابع صراحة مواده صعبة وفيها ضغط عاد اذا بتحذف مادة او لا شي راجع لك
طبعا اول ما تبدأ الدراسة في الكلية راح تشوف ان المواد اصعب من التحضيري والدراسة فيها ضغط وفي اسبوع واحد راح تتراكم عليك اشياء كثيرة من واجبات وكويزات واختبارات
فلا تنصدم مع الوقت راح تتأقلم