بسم الله الرحمن الرحيم نبدا في اول محاضرة للاستادة حنان بحث وتدريب
اهم شيء واول شيء كتبتوا الاستادة آليه التواصل معاها
اعطتنا ايميلها ورقم جوالها , رح احط ايميلها ورقم جوالها مارح احطو ولا حتى خاص مارح ارسله اللي تبغاه ترسل لها ايميل
نرسل لها من البلاك بورد رسائل المقرر او نرسل لها ايميل بس تفضل الايميل وجوالها ممنوع ممنوع تتصلي عليها بس واتس اب وقالت رح تدخل معنا في القروب
ايميل استاده حنان
h_aljashaam@hotmail.com
نرسل لها اي استفسار على رسايل المقرر والملف الطويل نرسله على ايميلها هدا
اول شيء وقبل كل شيء وركزت عليه اكثر شيء ترسلي لها اسمك بالكامل وكمان ايميلك ورقم جوالك
بالنسبة للبنات اللي خايفين من الاستاده ترا مرا طيبه ومتعاونه جداً وحقانيه ومارح تظلم احد بالدرجات مرا انا ارتحت لها لاني كنت خايفه مرا لانو ما اعرفها ابداً واول مرا اخد معاها بس بعد المحاضرة ارتحت جداً
نبدأ
اول شيء في محتوى المقرر نلقى موضوعات كثيره , لازم تشوفوها
اي مادة أخدتيها تصلح تكون موضوع بحثك او اي جزئية فيها يفضل يكون الموضوع جديد , او موضوع متمكنه منه يعني لودرستي اي مادة من مواد التخصص وحبيتي اي جزئيه فيها تنفع تكون بحثك موتاخدي مادة صعبه عليكي وتعملي بحثك فيها.
وأيضاً فيه من ضمن المواد في المحتوى المقرر التوزيع الزمني رح انسخ الجدول لكم ما اعرف رح يجي واضح او لا
ارجو اخذ المواعيد الاتية في الاعتبار بالنسبة لمادة بحث و تدريب للفصل الحالي :
م الاسبوع المطلوب
1 الاول توفير معلومات الطالبة بالكامل : رقم الهاتف – و الايميل
2 الثاني + الثالث تحديد موضوع البحث ( المواضيع المقترحة لا تقل عن 3 مواضيع )+ تحديد المتغير التابع و المتغيرات المستقلة
3 الرابع كتابة تقرير التدريب الافتراضي او الفعلي لجهة التدريب
4 الخامس الانتهاء من الفصل الاول ( المقدمة )
5 السادس + السابع الانتهاء من الجزء النظري للبحث
6 الثامن الانتهاء من الجزء العملي و تصميم الاستبيان
7 التاسع تسليم البحث + تسليم تقرير التدريب من جهة التدريب + تسليم تقرير الطالبة لجهة التدريب .
8 + العاشر + المناقشة ( ضمن الاسبوع الاول من الاختبارات النهائية )حسب ما سيتم تحديدة و الاعلان عنه
يبدأ حساب الاسابيع من بداية دورة السنترا
---------------------------------------------------------------------------------------
ان شاء الله الجدول يطلع واضح المهم نكمل نكرر شيء مهم لانو هيا الاستاده كررتو كمان لازم تعطيها ايميلك واسمك ورقمك
نجي لشيء المهم واللي كثير بنات خايفين منو ترا الاستاده مرا طيبه ومتعاونه وحقانيه جداً وضحت كل جزئيه وكم الدرجه عليها الله يسعدها مرا متعاونه
تقترحي ثلاث مواضيع وتقوليها للاستاده وهيا رح تختار لك موضوع واحد وتبدأي بحثك فيه ؟ ليش نختار 3 مواضيع وليش الاستاده تختار واحد منهم ؟ لسببين الاول لان ممكن نجيب موضوع مكررومارح نضيف بحث جديد والثاني ممكن تكون طريقة اختيارك للبحث مركزة في موضوع مو من تخصصك . يعني لازم ترسلي للاستاده عشان تشوف ادا مناسب ومن تخصصنا والا لا
البحث لازم يكون مرتبط بدراستنا وننظر فيه كإدارة عامه تنظيم وتطوير اداري مو تعملي بحثك بعيد عن تخصصك او ماله علاقه ! لازم يكون له علاقه بتخصصك
شيء قالت عليه ممنوع ممنوع ممنوع هو انو ممنوع انك ترسلي لها البحث كلو مرا وحده لازم كل ماتكتبي جزئيه ترسليه لها , انا مرا حبيت هده النقطه ومرتاحه جداً انها فيه لسبب انو احنا لما نرسل لها اول جزئيه هيا تقول لنا الملاحظات اللي عليها يعني تقول لنا اش الاخطاء واحنا انعدلها وقالت انو هي موجودة عشان تساعدنا .
هدا كلو عليه درجات المتابعه عليه درجات
المناقشه موجودة و جزء من الدرجات محطوط على المناقشه , وادا كنتي خارج جده فيه طريقه وادا مناطق كمان فيه طريقه للمناقشة عن طريق اللجنه هناك ,
لسه باقي ماخلصت كلام ادا فيه اي سؤال اسألو واللي حابه تضيف شيء تضيف وبالتوفيق للجميع
اكمل لكم بعدين تعبت وانا اكتب