[شَهد]

المشاركة الأصلية كتبت بواسطة غيم تايه وعليكم السلام ورحمة الله وبركاته.. هلا والله بالمستقبل.. ما شاء الله تبارك الرحمن جميل انك تخططي وتبدئي تفكري وتحسبي خطواتك .. اهم شيء اللي بقوله لك واتمنى ما تنسينه مسألة ما ابغى سبع سنوات ولا ما يناسبني الحفظ هذه السلبيات انسيها واخاف ادخل قدرات ولا يكون القسم اللي بدخله ما يحتاج .. هذه كلها سلبية .. بالعكس عندي تقعدي تدرسي ثمان وتسع سنوات وتطلعي بمعدل وبتخصص جميل يضمن لك مستقبل تكملي فيه حياتك العلمية والعملية افضل مليون مرة من انك تتخرجي في ثلاث سنوات بمعدل عالي ولكن تدخلي في صف وسرا تنتظري عشر او 11 سنة حتى يتم تعيينك او توظيفك .. خليك على طموحك واهتمي في اوقات فراغك بتعويد نفسك القراءة والاطلاع هذه جزئية مهمة وثقفي نفسك اكثر واكثر ... وعلى فكرة انت في بداياتك يعني سنك يساعدك طالما ان عندك الروح والرغبة .. الآن انت اهتمي في دراستك وانك تتخرجي وادخلي قدرات وارفعي من نسبتك .. ولما تسجلي في جامعة عبدالعزيز او اي جامعة بيكون فيه سنة تحضيرية هذه السنة ايضا بتكون فيصل في حياتك ... لأن ممكن يكون توجهك لتخصص معين وتفاجئي بأن المعدل لا يسمح لك .. لذلك حطي في بالك السنة هذه تتخرجي من الثانوية وشدي حيلك ثم تدخلي سنة تحضيرية هذه السنة مهمة واهم مرحلة في حياتك لا تحملي مواد ولا تنجحي بمعدل نازل جهزي نفسك وركزي واهتمي كثير فيها ... وخلال هذه السنة ومن خلال احتكاك بالدكتورات ودخولك المرحلة الجامعية وتغير شخصيتك بتستطيعي اكتشاف امكانياتك اكثر ويمكن تغيري وجهة نظرك وتختاري احد الاقسام اللي مستبعدتها الآن .. ولكن خليك على طموحك واختيار التخصص اللي يخدمك مستقبلا، وممكن تكوني معيدة في الجامعة إذا ما حملتي مواد وكان معدلك عالي .. وتكملي دراساتك العليا الماجستير والدكتوراه وتصيري محاضرة.. . كل هالأمور خليها حاضرة ومن خياراتك .. يمكن ما عاد ارجع على موضوعك لذلك اطلت عليك .. وبإذن الله يفيدك غير بالأفضل .. اسأل الله العلي القدير لك التوفيق والنجاح .. وكل عام وانت بخير.. موفقه يارب""

شُكراً لك /