[المليحة]

وعليكم السلام
اللغة ما كانت عائق لكثير قبلك فإن شاء الله ما حتكون عائق لك كمان .. إذا إنت التخصص الي في بالك علمي ليش تحولين أدبي ؟ عشان لغة ؟؟؟؟؟
ترا كثير ناس دخلوا مستوى أول الي هو أقل مستوى ودخلوا التخصص الي في بالهم ومنهم وحدة أعرفها ما شاء الله دخلت طب وهي كانت مستوى أول (الدفعة الي قبلي)
إنت خلال هذه الفترة طوووري اللغة وعندك وقت تراا وممكن تطورينها بشكل ملحوظ + إنت راح تنحطين في كلاس كلكم نفس المستوى والأستاذة فاهمة وعارفة مستواكم ، فحاولي تكوني متفاعلة في كلاسات الإنجلش ، تكلمي جاوبي شاركي حتى لو حسيتي كلامك فيه اغلاط ، لأن هذي الطريقة للتعلم ومع انتهاء التحضيري حتشوفي قديش مستواك ارتفع في الانجلش
والمواد بالإنجلش لكن الشرح بالعربي والدكتورة تقول المصطلح بالانجلش وتترجمه وبعدين تقوله خلاص بدون ترجمة ، مثلا velocity سرعة .. وبعد كذا محاضرة تقول velocity لأن خلاص كررت الكلمة بما فيه الكفاية :) وفي الاختبار المطلوب منك تعرفي velocity سرعة يعني تعرفي الكي وورد (الكلمات المفتاحية) واختبارات المواد عدالانجلش اختياري ما فيها كتابة وتشبه أسئلة التست بانك والوورك شيت وكذا ، يعني لو حليتيها بتعرفين تحلين الاختبار

هذا الي أنا اشوفه ، يعني اللغة ممكن تصعب الموضوع عليك شويتين لكن دامك متوكلة على ربك واخذتي بالأسباب بعد ذلك فمن رأيي ما راح تكون اللغة عائق بالنسبة لك ..