[غيم تايه]

المشاركة الأصلية كتبت بواسطة thehopesun قرات في المنتدى الكريم ان امتداد التخصص في الدراسة شرط للقبول الوظيفي في الجامعات وديوان الخدمة المدنية.. انا خلصت بكالوربوس انجلش وسجلت ماجستير ادارة اعمال وتم قبولي ولكن هل من المعقول ما اقدر استفيد من شهادتي الماجستير بسبب اختلاف التخصص؟ والسنه التكميلية ليش حطوها اجل دام ماني مستفيدة من شهادتي مستقبلا؟ افكر جديا بالانسحاب لو كان الكلام هذا صحيح

-


حياك الله :

بالنسبة لامتداد التخصص وكونه شرط .. هذا مو دقيق مرة .. بمعنى الاقسام القوية اللي لها امتدادات وتخصصات دقيقة تشترط امتداد التخصص .. وهذا هو الغالب.
لكن مثلا لو دراستك في الدكتوراه او الماستر في تخصص ليس امتداد للبكالوريوس ولكنه مطلوب يتم تعيينك .. مثل تخصص الموهبة اعرف من تخرجن منه وتعيين محاضرات وتخصصهن علمي .
التقديم على الجامعات والقبول يكون من قبلها وتحال اوراقك لوزارة الخدمة المدنية اللي بدورها مجرد مستكمل للموظف لكن لو التقديم عبر الخدمة المدنية على وظائف مطروحة من قبلهم
كل اللي عليهم يطابقوا الشروط .. بمعنى ممكن تحصلي على وظيفة ادارية بالماجستير ولا لهم علاقة إذا كان امتداد للتخصص ولا لا.. ولكن الأهم ان المرتبة هذه او الوظيفة هذه شروطها متوفره معك من خلال الماجستير .
لا تستعجلي بالانسحاب لأن تخصصك انجليزي .. وانت تدرسي ادارة اعمال .. راجعي الجامعة قسمك ادارة اعمال ما راح تخسري شيء واشرحي الوضح وانه لك رغبة تقدمي عليهم مستقبلا..
بالنسبة للسنة التكميلية هذه ضرورية 100% اجل شلون تدرسي تخصص وانت ما تعرفي عنه حتى الابجديات ؟!! .. اي شخص يلتحق بتخصص غير تخصصه اكيد يأخذ مواد تعتبر مداخل للتخصص ولا يبدأ مثل الاطرش في الزفه!
يعني السنة التكميلية هي من شروط الالتحاق بالقسم للدراسة ما عليهم منك انت بتتوظفي ولا تعلقي الشهادة على الحائط ولا تستفيدي ولا ما تستفيدي .. لكن خريج ادارة الاعمال يستحيل انهم يطلبون منه سنة تحضيرية هو اللي من حقه
يطالب بإسقاطها .. وفي النهاية كل شيء وانا اخوك مقدر ومكتوب ... ومسألة الوظائف والله صايره عقده تذكرنا بفترة زمنية مضت .. والله يستر من القادم ..
انتظري بإذن الله يمر على موضوعك شخص بإفادة افضل تسر خاطرك بعيد عما سطرته .. موفقه يارب""