[غيم تايه]

المشاركة الأصلية كتبت بواسطة اعاند احساسي انا موظفة قطاع خاص اخوي لو سمحت بما انك خريج ماجستير ماشاء الله وكذا عزيزي ايش قصة النسب الي كل مالها تزيد في الماجستير انا معدلي 3.58 وقدراتي 81 واحس مهما رفعت قدراتي ما حا انقبل في ماجستير علم اجتماع لان اقل نسبة موزونة طالبينها 81 يعني لازم تكون قدراتي 95 انا احبطت فرحت اول ما شوفت اني قدرت اجيب بالثمانينن لكن بعدين حزنت ايش اسوي ابغى اكمل تعليمي على كذا كل سنة يزيدوا نسب الى ما يقولوا ما نبغى احد يدرس ماجستير مع ان دكتورنا قال ان قدرات ب 80 وفوق مرا ممتازة لكن معدلي مراااا ضعيف ايش اسوي وللا اشيل فكرة الماجستير نهائي !...؟؟

ايوا موظفة قطاع خاص .. الفكرة ما هو هم اللي يزيدوا النسب .. الخريجات يكثرن كل سنة ويكون فيه ممتازات ودرجاتهن عالية فترتفع النسب ..
وإذا تزاحمن اخذوا اعلى شيء .. وطالما في خاطرك الماجستير فكان يستحسن اخذتي دبلوم تربوي مثلا حتى يفتح امامك تخصصات تربوية ليس شرط تكملي في ماستر اجتماع
والآن لازم تحطي في بالك ان البرامج في عبدالعزيز اصبحت عامة كلها بدون فلوس لذلك نادرا يقع الانسحاب بعكس لما كانت بفلوس عندما يعجز البعض ينسحب ..
والتعليم بصفة عامة ما يخفى على احد ان وضعه مزري وجامعاتنا ايضا والدكاترة نصهم كلام وحكي بدون افعال، ولكن لما يكون فيه مردود مالي خذي اهل علم..
الله يعين وييسر الأمر .. لكن فكري ملياً لو تعقدت معك في تقديم الماستر تقدمي في دبلوم يفتح امامك تخصصات اخرى .. وام القرى التقديم في 8 / 5 ووالطائف 25 /5
ولا اشوفها تفرق كثير طالما انك ما اقول متغربة ولكن بتنتقلي لمنطقة اخرى .. وايضا الامام 8 / 5 .. سجلي وربك كريم ..


نرجع لموضوعك الاساسي وهو الاستقالة لا تستقيلي حتى يطلع اسمك من ضمن المقبولات .. وتروحي العمادة تطابقي اوراقك ويعطونك خطاب لجهة العمل ..
وإذا رحتي للعمل اما يرضون ولا ينرضون بتقديم استقالتك وإذا صدر القرار خذي صورة منه وعطيها الجامعة وخلاص بكذا تكوني في السليم.
ولكن لابد من تعديل بياناتك واسقاط اسمك من كشوفاتهم لأنه البعض في القطاع الخاص يستغل الوضع ويخليك ضمن الكشوفات يستفيد من مسألة السعودة وما شابه ..


موفقه يارب""