[وجـه القمر]

اهلن اهلن منوريني واللهي
.
الله يحييكم كلن باسمه ..

المهم موضوع الاخ ابو فيصل .. تبع 55 نصيحه لتدليل زوجك .. اثار حفيظتي المتواضعه ..
.
.. ورديت عليه .. بس قلت احطه موضوع لكي اشوف مين اللي يأيدني بالحكي ..
.
.. فالحاصل ...
أشك أنه في حملة ضد الحريـم ..
.. كل مالقينا موضوع عن الحياة الزوجيه
الا هي نصائح .. يامررره شوفي لزوجك وانتبهي له ولبسيه واشعريه بالدفءو بالحنان..
وانتبهي يزعل .. وتحملي واصبري .. وبوسيه ليل نهار .. واكشخي له وتعطري ..
ولا تقولين انك مستاءه منه حتى لو معك حق .. ولا تقولين له اي شي يجرح مشاعره

انطقي واسكتي .. واصبري ع خلاقينه اللي له اسبوع كاشخ فيها .. وع ريحة الدخان .. وع ثقالة الطينه اللي مسوي فيها عقل ورزانه .. واطبخي وانفخي . ونظفي وكوني جميله << بالله كيف تجي ؟
ولازم تكوني بيرفكت في كل شي .. سنعه حتى في قلة المصاريف خليك سنعه وامسكي يدك ..

وفووووق هذا .. مايعجبه العجب ولا الصيام في رجب ..
.. عيونه بتطلع من راسه تناظر للي برآآ .. وانتي يامرره اسكتي .. خليه يناظر رجل وش يسوي بعمره خخ
.. وفوق هذا بعد يقارن هو وخشته .. شوفوا بنات برآآ .. طيب انت ماشفت شباب برآآ؟


.. ياطووويلين الاشناب واللسان والنظرات . .

.
.. احنا لقد ملينا منكم .. ومن نصايحكم .. ومن نظرتكم الاحاديه . والضيقه ..

.. كل يوم طالعين لنا بموضوع لازقينه لنا .. وهتك نصايح لخششكم الكئيبه .
.. ياربي متى تحلون عنــا .. ونعيش حياة مترفه هادئه .. تعم بالفرح والسرور ..

.. المهم
نفسي اشوووف موضوع واحدن بس ... موب عشرطعش موضوع
..عن نصائح كيفيه معاملة الزوج لزوجته شريكه حياته ..!!
.
..
عموما ..
نص النصائح اللي ادرجها الاخ راااائعه .. وياليت يعمل بها كلا الطرفين .. حتى تعم السعاده
موب العبء ع واااحد والثاني مريح ومستريح !!
.
.. واخيرا ..
تعليقات بسيطه ع بعض النصائح الطفوليه ..


1- إستيقظي دائماً مع زوجك صباحاً وأعدي له الحمام والفطور وساعديه في ارتداء ملابسه.
والله لو انه ولدن لي وعنده الكساح





41- لا تتركي المنزل أبداً في حالة الخلاف ولا تتركي غرفتك، وأبدأي بالصلح أنت حتى ولو لم تكوني مخطئة فكلمة اسف ثقيلة جداً على لسان الرجال .

اصلان وين اروووح يعني؟؟ بروح لم أمي ولا بروح نادي ولا المقهى ؟؟
مامعي الا انا وخشته .. بس اذا كان الاسف ثقيل عليه .. اعلمه انا وشلون يكون خفيف




42- أشعريه دائمآ بأنه أفضل رجل فى العالم واشعري أنت أيضآ بذلك.

يعني .. أضحك عليه ؟؟؟ .. اخاف يهايط علي بعديييين << وفيه كثير هو اللي يفهم وانتي ماتفهمين ..


47- كوني صديقة له بحسن استماعك لاحداث يومه دون تبرم إن صدر منه ما يضايقك، فإن تبرمت لن يحكي لك ثانية ابداً.

... خلوه يهرررررررج بس وانا اعلمه اني صديقه كويسه جدا جدا ..
لكن النساء يعانين من قله كلام الرجال .. < <شكل ماعندهم سالفه خخخ




51- لا تتوقعي منه ان يعاملك برومانسية حالمة فغالبآ لن يفعل، فقط حاولي أن تتأقلمي على طباعه فمن الصعب تغييرها.


هذا هو الرجل الخليجي الا فيما ندر .. .. شوفوا بالله هنا ظلم .. !!
يعني انتي تغيري وهو كذا طبعه تقبليه ؟؟ طيب ليش هو مايتقبلني مثل ما انا ؟؟ بجد هيمنه ذكوريه خخ



52- لا تتوقعي معاملة مماثلة لمعاملتك تلك ولا تتوقفي عن ذلك في حال ما اذا لم يتحسن زوجك فستأخذين الاجر على ذلك كما انه بمرور الوقت سيتغير للاحسن، فقط الصبر.


اللهم اجرنا في مصيبتنا واخلفنا خيرا منها



.. هذي تعليقات بسيطه . مثل مايقولوا .. مزحه برزحه

وموضوع ع السرييييييع

واخير شوووكرن