[ro_ro]

شوفي حبيبتي فيه كلام كثير هنا ما اقنعني بس ابقولك تجربتي وانتي اختاري اللي يريحك

أول شي على قولة وحده من البنات مقارنه بين تعليم عن بعد وانتظام الانتظام يربح
لكن عن بعد وانتساب عن بعد يربح بنسبة 100%

انا ثالث مستوى لي ادارة اعمال اول سنة كنت انتساب المستوى الاول نجحت بالعافية والثاني نجحت بمادتين من اصل خمس وكنت مره متضايقه محد لمك بالانتساب وكل ما طلعتي مستوى بتضيعين وتصعب الماده اكثر

لما سمعت بتعليم عن بعد حولت له والحمدلله مرتاحه للاخيييييييير ما اقولك ما فيه تعب لا بالعكس تكرفين كرف بعض الاحيان تجيك ثلاث او اربع اختبارات بنفس اليوم لكن لما تكونين تحضرين الماده ومتابعه معها اول باول ما راح يصعب عليك شي بالعكس ادخل الاختبار وانا متطمنه وحتى الواجبات بعض الاحيان تتراكم عليك

لكن كل هذا لمصلحتك صدقيني شوفي الحين حنا على اخر الترم وقربت الاختبارات النهائية والحمدلله المواد اللي ادرسها كلها فاهمتها ولو تنزل لي اختبار تجريبي نهائي ابدخل من غير مذاكره لاني خلاص فاهمه المنهج طول الترم وانا احفظ وافهم بسبب الاختبارات الدورية يعني الحمدلله كل تعبي جاب نتيجة ان شاء الله ما يضيع

غير كذا انا بالبيت ما اتعب وحتى لو كنت تعبانه ما اقدر احضر وقت المحاضره او ما ناسبني وقتها ارجع اسمعها بعدين تلقينها مسجلة لك والملخص اللي تشرح لك الدكتوره منه واضح وكل شي كأنك حاضرة المحاضرة معهم بس اللهم ما تقدرين تشارين او تسالينها

يعني من رايي اذا كنت خارج منطقه جده تعليم عن بعد افضل لك ..

غير كذا ابقولك شي لا تسوين مثل بعض البنات تدخلين الماده وانتي تنتظرين او تبين تعتمدين على احد غيرك لا تخيلي نفسك انه ما فيه احد يدرس غيرك بالشعبه عشان ما تتكلين على احد تخلصين شغلك بنفسك ولا تحتاجين مساعده احد صدقيني كذا انتي اللي ترتاحين لانه صراحه ما فيه تعااااااااااااااون بين البنات ابدا ابدا ابدا كل وحده نفسي نفسي .. عشان كذا ما افكر اسال احد اعتمد على نفسي وادور وابحث من غير مساعده بس لو طلبت وحده مساعدتي ما اقصر معها ..

بالنسسبة اللي تقول النظام يتعطل وكذا انا معك مرات يخبص عليك الشغل وتنقهرين لكن لما تكلمين عمادة التعليم وتقولين لهم النظام معطل عندي على طول يساعدونك بس يبيلك تنشبين بحلوقهم كل خمس دقايق وانتي داقه عليهم

انا صارت لي اول ما سجلت عندهم اسبوع على ما نزل لي الجدول واسبوع على ما صلح النظام عندي يعني تقريبا فاتتني محاضرات اسبوعين دقيت عليهم ونشبت بحلوقهم الين نزلوا لي المحاضرات اللي فايتتني مسجله وسمتعها وكملت مع البنات اون لاين والحمدلله ماشيه تماام التمام ..


هذا اللي عندي وتجربتي وانتي ابخص بنفسك واي سؤال انا تحت امرك ..