[Jeddah_one]

المشاركة الأصلية كتبت بواسطة baby`pink السلام عليكم ورحمة الله وبركاته اسعد الله ايامكم جميعاً هذى اول مشاركه لي وان شاءالله ماراح تكون الاخيره لو الله كتب لي وسجلت بالتعليم عن بعد في جامعة الملك عبد العزيز قرأت المشاركات في هالموضوع من البدايه في بعض النقاط شجعتني على النظام وفيه والله بعضها خوفني لكن بحكم وضعي كأم ومسؤله عن بيت اتوقع انه هو الانسب لي لكمال الدراسه مالكم في الطويله ياجمعات الخير الكل ما قصر في المعلومات بس عندي بعض الاستفسارات اتمنى من يكون عنده اجابه يقولها لي وجزاه الله كل خير *رسوم التسجيل اللي قايلين عنها في الموقع هل هي نفسها قيمة الدراسه بالنسبه لسمستر ولو غير كم تبلغ قيمتها ؟ *رسوم السمستر الواحد شامله لأيش بالضبط؟؟ يعني هل فيها قيمة مقرارت دراسيه لاني لاحظت انكم ما تكلمتوا عن كتب او مقرارت كأن الموضوع معتمد على هالمحاضرات والهوم ورك !! *بالنسبه لوقت المحاضرات وجدول المواد هل لي اي صلاحيه في التغيير فيه مثلا اختار وقت المحاضرات ؟ ياليت تجاوبوني على استفساراتي ولكم جزيل الشكر والعذر على الاطاله

*رسوم التسجيل اللي قايلين عنها في الموقع هل هي نفسها قيمة الدراسه بالنسبه لسمستر ولو غير كم تبلغ قيمتها ؟

هيا قيمة الدراسة للفصل الدراسي الواحد والمقدرة بـ 4000 ريال ولوعندك واسطه في الجامعة تاخدي اعفاء من الدفع ( يخضع لعمادة القبول والتسجيل)

*رسوم السمستر الواحد شامله لأيش بالضبط؟؟ يعني هل فيها قيمة مقرارت دراسيه لاني لاحظت انكم ما تكلمتوا عن كتب او مقرارت كأن الموضوع معتمد على هالمحاضرات والهوم ورك !!

شامله الالتحاق لاغير , اما الكتب ناخدها من باب زايد لانه في بعض المدرسين يطلبوا واجبات وفي بعض المواد يبغالها مذاكرة ومراجعة انا عن نفسي كنت اشتري كل شي الا الانقلش لانه ماله داعي بالنسبة ليا والحمدلله .( ماشاء الله) المحاضرات عشان تفهمي والزامي الحضور فيها لانك تعتبري طالبه منتظمة , الهوم وررك والاختبارات الدورية لتثبيت المعلومه وايضا نظام الدراسة لابد فيه من اعطاء واجبات واختبارات دورية سهله ان شاء الله

*بالنسبه لوقت المحاضرات وجدول المواد هل لي اي صلاحيه في التغيير فيه مثلا اختار وقت المحاضرات ؟

لا مالك صلاحية المحاضرات مثبتة المواعيد والي لو اراد يغيرها هوا الدكتوره لاغير , يعني جدولك ينزل وعليك الالتزام بيه

الحساب كل جواب بعشره ممم
30 ريال
ودمتم