[RanNo0^_^]

السلام عليكم ورحمة الله وبركاته
كيفكم جميعا
صراحه انا عندي سؤالين مررة محيرينني ونفسي الاقيلهم جواب
السؤال الاول كتبتو في قسم من أقسام المنتدى بس للأسف ماكان في أي رد
قلت بأكرره هنا يمكن أحد ينتبه ويقدر يساعدني في شي

المهم هوا انو انا يا طويلين العمر

أنا عندي مادة الثقافة الإسلاميه ما نزلت لي الترم الاول اساسا في الجدول
يعني مو جايبه f فيها لكن اصلا ما نزلت لي لا الترم الاول ولا التاني
أبغى أعرف إذا كانت تنزل لي هده الماده في السنه الجاية مع مواد التخصص وأدرسها عادي
أولا لازم اخدها في ترم لوحدها بعدين اتخصص يعني ترم صيفي او الترم في السنه الجاية
لانو انا ما ابغى ترم صيفي وقلت اخدها مع التخصص السنة الجاية ان شاء الله
بس ما اعرف اذا ينفع دا الشي ولا لا
لانو انا سألت العماده وقالولي مدام ما نزلت لك اصلا يسير مو مشكله تاخديها اي وقت قبل التخرج من الجامعه وما يأثر على تخصصك بعدين تتخصصي عادي
بس صراحه في العماده كل وحده بكلمه ما تعرفيلهم
بليييز اي احد عندو معلومات يفيدني

الشي التاني هوا

إذا كنت أبغى أنزل الثقافه في الصيف هده الماده عدد ساعاتها 2
بس لمن اجي اسجل في الاودس مو حاطين عدد ساعات 2 يبدؤو من 3 الين 9
طيب كيف يعني إيش أحط ؟ إذا كان مافي 2

دخيلكم أي أحد عندو أي معلومات لا يبخل عليا
ومشكووووورين مقدما