[my-nana]

المشاركة الأصلية كتبت بواسطة دلوعة sarab طيب اسمعوا وجهة نظري الحين هذوالي اللي يقولوا إنهم معارضين جدا جدا جدا عندهم أسبابهم ومنها: 1.انه عندك أبو أو اخو أو سواق يوديك مكان ماتبغي. (طيب الحمد لله انه الله رزقك بأب أو أخ أو سواق يتكفل بمشاوريك)بس للمعلوميه هالشي مو متوفر لكل الناس يعني مانقدر نعمم ونقول خلي أبوك أو أخوك أو سواقك يوصلك..هذا مو معناه انه ماعندي أب لا الحمد لله عندي أب بس كمان عندي 4 أخوات وأم... أفهمكم أكثر أنا الحين مستوى سابع بالجامعة وزي مو باين أنا انتظام ومعاي أختي كمان مستوى خامس ولكثرت المصاريف عندي بالبيت انا أصبحت مسئوله تماما عن كافة مصاريفي وأختي كمان عشان نخفف شوي على بابا المهم انا من يوم دخلت الجامعة أصبحت مسئوله عن مشاويري لأنه بابا بينلي انه مستحيل حيقدر يتكفل بمشاويري ومشاويراخواتي وأمي كمان و احنا ماعندنا سواق.. ولأنه اصلا ماعندي دخل غير مكأفاتي اللي الكل عارف انها840 اضطريت إني اتفق مع سواقين عندهم سيارتهم الخاصة واحاسبهم بالمشوار او بالشهر يعنوا شوفوا كيف بيكلف وعشان كذا اضطريت كمان اني ادور ع وظيفه تساعدني شوي يعني الحين كمان زادت المشاوير..هذي اول نقطه ثاني نقطه: البنات اللي يقولوا انه ايش راح تسوي لو انه انفقع عليك الكفر طيب أنا أقولك راح أسوي زي مااسوي لما أكون مع السواق وتخرب عليه السياره او ينفقع كفرها اخذ ليمو وارجع على البيت.. 3. المعاكسات:على قولتك انا ومن واقع تجربتي مااقول إني مااتعرض للمعاكسات لا بالعكس والله اتعرضلها واتعرضلها بعد كثير بس والله مو بكثر لما أكون بالمول وكمان في شي ثاني وهذا الشي اكيد يعرفوه اللي متفقين مع سواقين بالمشوار او اللي يرحوا بالليمو..(ترى السواق لما اتعرض للمعاكسات وانا معاه تحسبي مثلا انه بينزل يدافع عني ترى والله مادرى عني وشي ثاني على بالك الاولاد اللي يعاكسوا شال هم السواق أنا بعيني شفتم كم مره اولاد منزلين السواق من السيارة ومكفخين أمه يعني الولد لو حط برأسه يعاكسك حيعاكسك سواء لحالك او مع السواق وللتنبيه :ترى والله مو كل أولاد غلطانين في بنات هم اللي يستفزوا الأولاد يعني كل وحده واحترامها وأدبها) في النهاية أقول اللي مو مؤيده سواقة المرأة لاتسوق ترى لو سمحوا بالسواقة ماراح يجوا ويضربوا على يدكم ويقولوا لكم سوقوا بالقوه ترى لا.. حيكونوا في أباكم وسواقينكم عشان يوصلكم هذ الخيار بس للبنات اللي يبغوا يسوقوا يعني مو إجباري وغصب ... واللي مايبغى بنته أو أخته تسوق لا يخليها تسوق هو ترى مو بالقوة. وبلييييييييييييييييييييز بعد كذا قبل ماتقولوا انتوا مؤيدين او لا..لا تفكروا بس في نفسكم وترررررى في زي كثير يعني انا مو حاله شاذه.. سوري طولت عليكم

حبيبتي ترى السواقه مو حرام واللي يأكد هذا أمهات المؤمنين رضي الله عنهم كانو يركبوا الحمير والجمال وماحد عاب عليهم بس اليوم تفرق كثر الناس وتنوعت الأجناس ومن كثر الفتن مانبي هذا الشي إلا في الضروره القصوى بعد مانستنفذ جميع الحلول وترين اللموزينات تارسه البلد صحيح ماعمري ركبتها لوحدي يارب لك الحمد بس إذا مره اللموزين أرحم من إني أفتل في الشوارع وبعدين بتلاقين من هب ودب معها سياره كفايه الزحمه وشوفي وش صار للدول المجاوره لمن سمحوا بالسواقه ظهر التبرج والسفور والفتن وجميع البلاوي الله يكفينا الفتن والله كل واحد مسئووووووول عن رعيته، حرام الواحد مايوقف جنب بناته وينشغل عنهم وعن مشاويرهم كذا يعرضكم للفتن يأختي مهما كانت أشغال أبوك وين إحساسه بيكم حرام اللي يسويه أنا قادر وربي عطاني الصحه وأخلي بناتي يروحوا مع سواقين (لاإله إلا الله )الله يهديه صراحه حنيت عليكم بقوه
والله العظيم شاف زوجي مره وحده طالعه من الجامعه ماسك السواق يدها ولازق منها وهما رايحين للسياره جلس يبكي يقولي وين أبوها وين أخوها الله المستعان كيف تسمح لأجنبي يقرب منها

الله يرزقك باللي يخدمك ومايخليك تحتاجي للسواقه والسواقين

حماك الله ياوطني -حماك الله يابنت السعوديه