[دلوعة SaRaB]

المشاركة الأصلية كتبت بواسطة my-nana حبيبتي ترى السواقه مو حرام واللي يأكد هذا أمهات المؤمنين رضي الله عنهم كانو يركبوا الحمير والجمال وماحد عاب عليهم بس اليوم تفرق كثر الناس وتنوعت الأجناس ومن كثر الفتن مانبي هذا الشي إلا في الضروره القصوى بعد مانستنفذ جميع الحلول وترين اللموزينات تارسه البلد صحيح ماعمري ركبتها لوحدي يارب لك الحمد بس إذا مره اللموزين أرحم من إني أفتل في الشوارع وبعدين بتلاقين من هب ودب معها سياره كفايه الزحمه وشوفي وش صار للدول المجاوره لمن سمحوا بالسواقه ظهر التبرج والسفور والفتن وجميع البلاوي الله يكفينا الفتن والله كل واحد مسئووووووول عن رعيته، حرام الواحد مايوقف جنب بناته وينشغل عنهم وعن مشاويرهم كذا يعرضكم للفتن يأختي مهما كانت أشغال أبوك وين إحساسه بيكم حرام اللي يسويه أنا قادر وربي عطاني الصحه وأخلي بناتي يروحوا مع سواقين (لاإله إلا الله )الله يهديه صراحه حنيت عليكم بقوه والله العظيم شاف زوجي مره وحده طالعه من الجامعه ماسك السواق يدها ولازق منها وهما رايحين للسياره جلس يبكي يقولي وين أبوها وين أخوها الله المستعان كيف تسمح لأجنبي يقرب منها الله يرزقك باللي يخدمك ومايخليك تحتاجي للسواقه والسواقين حماك الله ياوطني -حماك الله يابنت السعوديه

اول شي ياحبيبتي شكرا ع الرد بس لي كم تعليق:
يعني اول شي انا كاتبه اللي الله رزقهم بسواقين (ازواج) خلاص لا تعلقوا ع الموضوع هذه للي مضطره وكمان مختاره هالشي بعدين انتي على قولتك ماقيد جربتي تركبي ليموزينات وظروفك ماحدتك طيب خلاص ليه مضايقك الموضوع وليه تعلقي على شي انتي بحياتك ماقد جربتيه.
وشي ثاني انا نفسي اعرف كيف طريقة تفكير الناس يعني طبيعي انه الناس مو كلهم يفكروا زي بعض ويتصرفوا زي بعض قصدي انه في بنات مختارين انهم يكونوا اتكاليات.
وفي بنات زي انا يحبوا يعتمدوا على نفسهم في كل شي صح انه انا ظروفي بالبدايه اجبرتني بس انا الحين حابه حياتي والحمد لله وعارفة زين كيف اعتمد على نفسي ومااحتاج احد.
والله حنيت على زوجك والله يرسلكم سواق جاوه يساعده في خدمتك واتكالك الدام عليه.
والله يحفظلك زوجك ويخليك دايما معتمده عليه
وحبيبيتي مو كل من اعتمد على نفسه انفلت بالشوارع وصح انا اليوم اتعب واروح واجي بس بكره اكون لي مستقبل مااحتاج فيه احد واكون من جد بكره قائده بكل تجاربي اللي عشتها لانه بابا رباني على اني اكون قائده مو تبع وغيري منتظرين احد يوصلهم ويلبيلهم حاجاتهم.
(وبالنهايه بقولكم سمعتوا القرار اللي يقول انهم لو سمحوا بالسواقه راح يجبروا الكل انه يسوق ويمنعوا االسواقين نهائيا)لاتخافوا ترى والله ازواجكم وسواقينكم ماراح يطيروا