[BATI]

أيش رايكم ياأخوات أي وحده تدخل تقول لنا أول مابدأت الماجستير في هذا التخصص وكيف الدراسه وكم مدة الدراسه فيه وهل القبول فيه سهل او صعب وأيش المواد التي تدرس فيه وطريقة معاملة الأعضاء فيه ؟

مساء الخير انا مستجدة بس خليني اقولك اللي اعرفو بالتفصيل الممل


طبعا ينزل خبر في موقع الجامعة عن بدء التقديم من فترة كزا لفترة كزا حلو
تقومي تدخلي الموقع وتعبي بطاقة ترشيح ويطلعلك رقم ترشيح تحتفظي بيه
وبعدين تروحي صالة التسجيل في مبنى 3 في الجامعة الدور التاني وتقدمي مستنداتك اللي يكوني طالبينها في ورقة الترشيح تكون
1-صورتين من الوثيقة
2-صورتين من افادة التوفل
3-صورتين من توصيتين
4- صورة من حسن سيرة وسلوك
5- صورتين بطاقة الاحوال
6- صورتين من كشف الدرجات

تمام طبعن تخصصنا الوحيد اللي مافيلو اختبار قسم هو والغذاء والتغذية

هادي اول خطوة

بعد كدة لان مالنا اختبار القسم ولا مقابلة شخصية ماعليكي الا تستني المفاضلة
وتنزل النتايج على موقع الجامعة
لو لقيتي اسمك ضمن المرشحات
تروحي نفس المبنى ونفس الصالة وتعطيهم دي الاوراق
1- صورة طبق الاصل عن الوثيقة
2- أصل كشف الدرجات
3- صورتين شخصية

يقومو يسلموكي سند استلام
وبعد تقريبا اسبوعين
تاخدي السند وبطاقة الاحوال وتروحي نفس الصالة وتستلمي بطاقتك الجامعية وتحتفظي اكيد بسند الاستلام

عاد تروحي كليتك وتشوفي لو عندك مواد تكميلية والا عالطول تبدأي ماستر طبعن لو كان البكالوريوس تبعك ملابس ونسيج حتى لو من كلية التربية ما حيكون عندك مواد تكميلية وحتبدأي علطول في الماستر

حلو الكلام

بعد كدة بالنسبة لكيف الدراسة
تكون اما بالمقررات الدراسية والرسالة


http://graduatestudies.kau.edu.sa/co...g=AR&cid=27029

اما بالمقررات الدراسية والمشروع البحثي
http://graduatestudies.kau.edu.sa/co...g=AR&cid=27031

لا يتخرج الطالب إلا بعد إنهاء متطلبات الدرجة العلمية، وبمعدل تراكمي لا يقل عن "جيد جداً".



بالنسبة لمدة الدراسة
المدة المقررة للحصول على درجة الماجستير لا تقل عن أربعة فصول دراسية ولا تزيد عن ثمانية فصول دراسية، ولا تحسب الفصول الصيفية ضمن هذه المدة.

اعتقد واضح يعني مابين سنتين لاربع سنين لااقل ولا اكثر


طبعن القبول فيه يعتبر جدن سهل مقارنة بالاقسام التانية يعني قد مااجتهدي في البكالوريوس في مواد التخصص فادك في المفاضلة


طريقة المعاملة لازم تجاوب عليه وحدة قد درست

ان شاء الله افدتك