حسبي الله ونعم الوكيل
يا مسلمين قبل ما تكتبو الردود اللي كتبتوها .. هل هذا هو الدين؟؟
اقسم بالله العظيم انو لو وحده ( غير مسلمه ) شافت الفيديو دا
وكانت على وشك الاسلام لهربت من الاسلام هروب .
هل هذا هو الدين؟؟ ايدين المعامله مو الشطاره وضرب الحريم
مهما كانت تسوي مالهم أي حق يقولولها ( فاجره ) وهيا حرمه
كبيره وبتدور على لقمة العيش .
في الف مليون تريليون طريقه غير الطريقه ( الغير آدميه )
في التعامل مع الناس دي قد تجدي نفعا.
انا صاحبي يشتغل مشرف على مطعم عمتو , وعمتو مطعمها
يبيع اكل ( بيت ) .. علما بأنو مطعم راقي ونظيف وفيه قسم
مطبخ للحريم عشان هما اللي يطبخوه ( طبعا موجود تصريح ,
وهذا رد على الاخ اللي يقول ممنوع ). المهم صاحبي متدين يقولي
دخلت علينا الهيئه ونطت على الغرفه من غير ما يستأن او يدق الباب
على الحريم , رحلو صاحبي قالو ايش فيه , رجل الهيئه يقول : ابا ابغا
اشوووف ايش قاعدين دول يسوو جواااا , ايش وراهم الحريم هاا؟؟؟؟؟
صاحبي وراه انو مافي شي , ورجل الهيئه: حسبي الله ونعم الوكيل.
ما انكر دور الهيئة . وما انكر انجازاتهم , بس الطريقة
دي في التعامل غلطططط وما حتنتج إلا انها حتكره الناس
في الدين ... وآسف على الاطاله بس اتحمس شويا
والسلام ختام