من جد انصدمت من الردود
ماعرف ايش اقول
بس وربي ياجماعة ياااااااشباب أقسم بالله بنعتبركم اخواننا
انتو ماتتخيلو ايش اللي بقلوبنا ليكم
انا راح اتكلم عن نفسي انا اول مادخلت هنا فعلا كنت اتكلم بحدود وكل كلمة احاسب عليها وبعد فترة وربي حسيت ان المنتدى وكل اللي فيه صارو اقرب لي من بعض أهلي ومع انه مجتمع وهمي حسيت انه صار لي مجتمع حقيقي
وفي فترة اندماجي بالمنتدى وربي اكتشفت اشياء ماعمري اتخيلت انها ممكن تصير لي في حياتي
المفروض كلامي دا ماينكتب بس بما انو الموضوع انتفتح راح نكمل فيه وكل واحد يخرج اللي عنده عشان تصفى قلوبنا ونكون فعلا اخوان بجد
بنات
انا يمكن اقدم وحده فيكم بعد همس الغلا واكثر وحده عشت هنا
وربي عمري ماحسيت في شبابنا غير انهم اخوان وبس
لما دخلت المنتدى كان هدفي بس استفيد وافيد وبس بس لما اختلطت بالاعضاء حسيت بشعور تاني فعلا عالم تاني وحياة تانية واحققت في المنتدى الحلم اللي عمري مااتخيلت انو يتحقق
كنت دايم انتمنى انو يكون عندي اخو كبير وكل وحدة فينا عارفة قيمة الاخ الكبير في حياتها
كل وحده فينا محتاجة احد يسمعها يفهمها ويفهمها واللي تنكر دا راح تكون مو طبيعية
الشاكي ونمر من النمور
مافي احد مايعرفهم واللي كانو معانا من اول يعرفو كيف كانت تريقتهم وتقطيعهم في خلق ربنا بالوناسة وبغيرها
طالعو الشيب براس ادمن اول مادخلت المنتدى قلت اعوذ بالله هذولي مامنهم فايده واللي يقرب منهم راح يوده في خبر كان وفعلا بدأت ادخل الوناسة واختلاط ودنيا وبدأت اتهزأ ونحش ووووو
بس برضو كان كلو بحدود ولما صرت مشرفة اكتشفت نمر والشاكي على حقيقتهم
والله يابنات انهم الاخوان اللي ماولدتهم امي سنتين لي معهم من اسعد سنين حياتي وربي اللي فقدته من عدم وجود الاخ طول الـ20 سنة نمر والشاكي عوضوه بسنتين بس
ومن جد انا ماراح انكسف اني قلت دا الكلام لان الحق ينقال وانا اقولها قدام الكل انا فعلا نمر والشاكي غير الكل عندي ومهما صارت بيننا مشاكل ومضاربات راح يفضلو غير لانهم من جد كانو غير
ياجماعة كلنا قلوبنا فيها بياض وفيها سواد نحن بشر نغلط ونرجع تاني نفوق
انا مااعرف ايش البربرة اللي اتكلمتها فوق بس حسيت لازم تطلع مكانها او مو مكانها دا احساسي
شباب المنتدى الموجودين اللي ردو هنا او حتى مرو بصمت من هنا
نحن اخواتكم واعراضنا امانة في يدكم نحن ماضحكنا ولا اتكلمنا واخذنا راحتنا في المنتدى الا لما عرفنا وحسينا اننا اخوان
اما اللي عنده احساس ومشاعر غير الاخوة عادي نحن بشر يجي يقول يابنت الناس لا تمزحي معي ولا تضحكي انا مو حاسس انك اختي وراح نكون رسمين معه الموضوع بسيط
بنوته مرررررررررررررة اسفة خربت موضوعك بس قلبي عورني
|