رد: اسئله بخصوص سكن الطلاب
هلابك أخوي فيصل .. مآ عندك مشكلة يآ رجل ..
السكن نظام غرف زي المسشتفيات .. تدخل المبنى تحصل أسياب طويلة وغرف يمينك ويسارك مقابله بعض ..
طبعا هي غرفة وحده بحمامها لك ولخويك وفيها سريرين وطاولتين ومجهزة طبعا دولاب ومكيف ..
بالنسبة للمواقف ما تدخل سيارتك داخل السكن .. لآ !
توقف سيارتك برّا وتدخل على رجولك من البوابة الرئيسية وتروح لغرفتك ..
بالنسبة لي المبنى حقي قريب شوية من البوابة الرئيسية ،، يعني ممكن 5 دقايق أمشي من البوابة الرئيسية الى غرفتي .. لكن بعضهم المبنى حقهم بعيد شوية ويصك مشوار ع رجوله ..
تدخل سيارتك بس للضرورة يعني معاك أغراض ثقيلة وتبغى تنزلها غرفتك أو لما تسافر الأربعاء وتآخذ شنطك معاك عادي يخليك تدخل السيارة تآخذ أغراضك وتطلع ..
بالنسبة للمبلغ 1000 ريال كل شخص لمدة ترم كامل .. ويدفع كمان كل شخص 500 ريال تأمين أول مرة وهذه الـ 500 ريال ترجع تآخذها لما تسوي إخلاء طرف وتطلع من السكن .. يعني في البداية تدفع 1500 ريال وإذا تبغى تآخذ الغرفة لك لوحدك وتحط أحد معاك بس بالإسم زي مآ أنا سوويت .. يصير تدفع بالبداية 3000 ريال ... وبعدين كل ترم تدفع 2000 ريال [ 1000 عنك و1000 عن خويك ] ..
أي سؤول ... تحت آمرك ..
|