[برآءة حروف]

يا وطنا دام عزك شامخ والدين سيرة
.................. مارضينا غير ارضك نسكن ونعشق ثراها

انتمي لك والفخر لي شخص وارضه جزيرة
.................. من يلوم اللي يحبك ام وتغلي ضناها

يالسعودي بس اسمك لا لمع في كل ديرة
.................. والله انه تاج اكبر من على هامة سناها

شعب ودستور وأمه ترتوي من فيض خيره
.................. لا عدمنا من حكمنا ولا نسينا من بناها

من شمالك لي جنوبك كل شبر فيه غيره
.................. حاسدك ربي يعينه مادرى انه ما نساها

يحتمي بك رغم غيضه اه ياشين البصيره
.................. وين ماترحل عيونه يرجع ويذكر سماها

كل حرف لا كتبته غير اسمك استشيره
.................. وين يا كلي تمهل ارفق ولملم حلاها

ايه احبك يا بلادي دون شك ودون حيره
.................. كل عرق لا نشدته قال ينبض من غلاها

يا فديتك بالمشاعر والا روحي لك ذخيره
.................. ما تردينا من اول كيف لاجت في سواها

يحفظك رب كريم من صودايف عسيره
.................. يا منار الحق للي ضاعت حقوقه لقاها

دام ابو متعب يقودك سيري دروبك يسيره
.................. والمواطن في يمينه خط ما نبغى سواها

ايه احبك يا بلادي دون شك ودون حيره
.................. كل عرق لا نشدته قال ينبض من غلاها

يا فديتك بالمشاعر والا روحي لك ذخيره
.................. ما تردينا من اول كيف لاجت في سواها

"
"
"
"
"

انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض

*
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

*
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود

*
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي

"
"
"
"
"
"


كل عام وانتم بخير
ادام الله لنا ملكنا ومملكتنا بالخير والبركة






بمناسبة اليوم الوطني لبلادي الحبيبة الغالية على قلووووب الملايين

اهنيء الشعب السعودي خاصآ والامة العربية والاسلاميه عامة بهذا اليوم



آدام الله عز قادتنـــــــــــــــــا ..
كل عام وقيادتنا بخير وللخير تسمو ..
كل عام ووطننا في العلياء وللعلياء ..
كل عام وأرضنا محضن الكرماء ..
كل عام ونحنُ نبارك لقيادتنا ولأرضنا ولشعبنا ولبعضنا ..
كــــــــــــــــــل عامنا ووطننا في عيـــــــــــــــــــد .

سعوديه لها كل الفخر بأخلاقها والدين
بحشمتها لها التقدير وتحيه
أصيله فاتنه وحجابها يظفي عليها الزين
سلام الله عليها والتهاني لبنت نشميه
لها العزززززززه على طول الدهر
وتثبت ماتزعزعها نسايم ريح غربيه
لها سمعة الخنسا وخوله ماضي وذلحين
حفظها الله من الأشرار البنت السنافيه
مثل ورده وسط بستان ماله بالشمال يمين
يداعبها نسيم الفجر بالاصباح فجريه
سعوديه مثل غرس (ن) ترعرع عند رجال العيون
وبالاخلاق والاطياب والاداب مرويه

ونسأل الله أن يحفظ مليكنا وبلادنا
وأن يديم على شعبنا الأمن والرخاء

ودام عزك يا وطن

هنا نستقبل التهاني بمناسبة اليوم الوطني السعودي