وعليكم السلام ورحمة الله وبركاته
أولا ما شاء الله تبارك الله
واحدة من صحباتي راحت عمادة القبول والتسجيل واستفسرت وقالوا لها لا مافي معادلة مواد حتعيد سنة إلا يمكن اللهم بس عربي وثقافة يعادلولك هما وكمان يقولك التحويل ما يأخذوا إلا 5 طالبات بالكثير والأولوية تسكين طلاب وطالبات التحضيري الجدد وبعدين المحولين حتى لو جبت 5 من 5 ما بيأخذوك بيأخذوا إللي أصغر منك !!!
وشيء ثاني بالنسبة للكليات الصحية يقولوا ما ينفع تحول في ترم لازم تكمل سنة وإذا حولت بنجاح مثلا حتصير أولى طب وتعتبر مع دفعة 2014 وليس 2013 إللي هما دفعتك حاليا وحترجع تدرس نفس المواد طبعا بعضها على ما أظن
طبعا هذا الكلام من عند البنات مادري عن الأولاد أنا عن نفسي لسا بأفكر أشوف أحول ولا لا للطب لأني ما انقبلت في أي كلية صحية
على العموم الله يوفقك ويوفق الجميع حيث ما كانوا بس إنت ارجع استفسر واسأل
وملاحظة : كثير يقول التحويل ضياع عمر وليس حل ولكن إذا في فرصة ليش ما نستغلها بس لا تنسى إنك تستخير ربك في الأمر بعد ما تتضح لك الأفكار كلها ^^
أتمنى ما أكون أحبطتك
