انا خلصت السنه تحضيريه مسار علمي..
وانقبلت في الاقتصاد والاداره..
ألف مبرووك والله يسهل لك أخوي ويوفقك.
وماعرف شي عنو خشيت شفت تخصصات في موقع جامعه
..وبستفسر في كم حاجه!!
أتفضل .
الى متخخصصين اول الى يعرفو شي عن تخصص ساعدوني
ابغا اعرف كم فصل ادرس الى ماتخصص؟؟
3 فصول (مستويات أو سمسترات) واللي بعدو حيكون تخصص 
واش المواد؟؟ وماهو افضل تخصص اقدر اكمل في في المستقبل البعيد...؟
طبعا في مسارين تقدر تدخلها (علمي - أدبي )
العلمي : مستجد أعمال عام
الأدبي : قانون (أنظمة + إدارة عامة)
وفي قسمين باقية : إدارة مستشفيات + اقتصاد.
دآمك كونت علمي أتوقع مآ حيقبلوك أدبي والله أعلم بس إنتا لازم تشوف كل
التخصصات وتختار والأفضل إنك تشوف لك إختبار التخصصات وتحدد ميولك
الموآد في أول 3 سمسترات حتكون مواد عامة من كل تخصص مادة ومواد تآنية غيرهآ
مثال / اقتصاد جزئي - اقتصاد كلي - محاسبة 1 - محاسبة 2 - مبادئ إدارة - إنقلش 1-
إنقلش 2 - إعداد تقارير - تمويل - تسويق - نظم معلومات إدارية - تحليل كمي الأعمال-
إحصاء أعمال - قانون تجاري - سلوك تنظيمي .... إلخ
زي ما قالت الحلوة بنت ألماس إنوو حسب قناعاتك ، بس في أقسام تعتبر قوية
وإنتا ممكن تحطهآ من ضمن خياراتك وتشوف المواد إذا عجبتك حلوو أستشير
وقتها وأستخير وأتوكل على الله وأدخل التخصص
التخصصات :
- نظم معلومات إدارية < تخصص مو هين صرآحة ويحتاج شخص يكون قادر على التعامل مع الكمبيوترات و ... إلخ.
- تمويل < هادا التخصص مآ كآن موجود ودوبهم فتحوهـ
طبعا مختلف تماما عن المحاسبة ويعتبر تخصص قوي لأنو جديد.
- إدارة الأعمال < التخصص دآ ممكن تنجح فيه لو كونت تعرف رجال أعمال رآح يسآعدوك وكآن عندك خبرة في مجال الأعمال ولو كونت تبغى تفتح شركة في المستقبل بإذن الله أو تكون مدير في أي حتة أو حتى رئيس قسم ^^. ودآ الشي يحتاج مهارات تكون موجودة فيك عشآن تكون رجل أعمال ناجح أو مدير نآجح.
- إدارة الموارد البشرية برضو تخصص جميل ويعتمد على قدرتك وتعاملك مع الناس إذا كونت تمام أو لا ^^.
^
هادي التخصصات من وجهة نظري
واش رايكم في القسم ان شالله يكوون حلو
...يعني اعطونا نصايح وتجاربكم فيه وشكرا
^
هآدي المعلومات اللي أعرفها عن التخصصات واللي إن شآء الله تكون أفادتك ولاااااااازم من تحديد
أهدآفك عشآن تعرف إيش تتخصص مستقبلا
ا
