رد: الاختبار التحريري والمقابله الشخصيه لمعيدي ومحاضري رابغ
للافائده منقووول
المقابلة الشخصية وما ادراك ما المقابله الشخصيه :
هدا كلام مفيد من منتدى لعدة اشخاص :
جامعة الملك سعود
--------------------------------
اللي ما نقبلوا بعد المقابلة لا لشيء بل لأن هناك مفاضلة من أعلى
نقاط حصل عليها المتقدمين في المقابلة إلى أقل نقاط وبعدها ياخذون العدد اللي يقدرون عليها
من نتائج المفاضلة بعد المقابلة الشخصية
و المقابلة الشخصية هي التي يعتمد عليها القبول النهائي مهما كان معدلك
ومهما كان أدائك باختبارك التحريري هم يبون ناس تبدع بالحوار والنقاش وصدرها رحب في
المقابلة الشخصية يمكن كنتي كذا لكن كان هناك من هو أكثر منك إبداع فحصل على نقاط أكثر منك
وأنا من الناس اللي صارلي مثل ما صار لكم ومعدلي فوق4.75
مع مرتبة الشرف وأديت بشكل ممتاز الامتحان التحريري وكذلك المقابلة الشخصية
كنت جدا مبدعة فيها لكن بالفعل هناك من أعطاهم إبداعات أكثر وكان أفضل مني في المفاضلة على المقابلة الشخصية
-----------------------------------
بالنسبة للمقابلة ترى المقابلة مالها دخل بالمعلومات ابداً فهم يسعون الى قياسات أخرى بالشخصية أو بثقة الشخص أو أو..الخ
المعلومات يقيسها الاختبار فقط.
لكن لا تدعين الياس يتخلل الى نفسك
قدمي مره ومرتين وثلاث وأن شاء الله ان الله يبي يوفقك
وعلى فكرة انا معدلي كان أقل واحد بالنسبة للمتقدمين لكن الحمدلله تم قبولي
-----------------------
نمادج اسئله :
لو صرتي معيده تكلمي عن ايجابياتك وكيف راح تسخرينها في قسمك؟
وكيف راح تبذبين جهودك في المساهمه بتطوير القسم ؟
كيف راح تحاولين تذييل اي صعوبه واجهتك في دراستك الجامعيه سواء من طريقه التدريس او المناهج؟
وراح يسالونك مثلا عن سلبياتك لا تجبينها كلها بس جيبي الشي حلو ومو حلو بنقس الوقت ههههههههه
مثل انها حريصه جدا ع الوصول لهدفك وهالششي يسبب لك قلق وتفكير كثير
مثل كذا
يمكن فيه اسئله انجلش
تحدثي عن نفسك بالانجلش؟
مثلا لو قالتي دكتوره امريكيه جايه من جامعه معروفه وهذي فرصتك ايش راح توجهين لها اسئلله
بالانجلش وكيف تستفيدين من معلوماتك اسئليها
ويمكن يسالونك عن سلبيات التدريس الجامعي من وجهه نظرك؟
واسئله عامه مثل ماهو اخر اخبار العالم الان؟
واخر الكتب اللي قرتيها وموضوعها ايش؟
-------------------------------------------
اكتبي الاسئله المتوقعه انهم يسالونك بورقه واجلس تدربي على الاجابه عليها باسلوب حلو او خلي احد يسالك ويقابلك تجريبي عشان تتلافي بعض الاغلاط
حتى باجوبتك يعطونك اسئله بناء علييها لو مثلا قلتي درست في روضه الفلانيه بيسالونك ايش دورك وكم عدد طلابك وليش ماكملتي خلي اختك تقابلك مثلا وتبتكر اسئله بناء على اجوبتك
او خليك قدام المرايه واسئلي نفسك ههههههههه تراها ممتعه الحركه .
----------------------------------------
شووفي بالعاده المقابلات مايسألون اسأله في شي درستيه تكون عامه غالبا
-1 تكلمي عن نفسك؟
2-وش هواياتك؟
3- قد اشتغلتي متطوعه قبل كذا؟
4-كيف لغتك الإنجليزية؟
5- ممكن يسألونك عن الأطفال؟
6- بيسألونك وش عمل المعيده<<< انسألت فيه وتنحت "المعيده عملها مسك مقررات بالإضافة إلى بعض الأعمال الإدارية مثل لجان الاختبارات"
7-وش طموحك مستقبلا ولاتقولين معيده<<< قولي اكمل دراستي اصير دكتوره عطي شي أكبر
8- وهو المهم الإعاده في قسم رياض الأطفال صلحوا المقابلات في شهر 2
9- يمكن انت طالبينك لقسم المناهج وطرق التدريس<< فحضري له زين
10- وش آخر كتاب قرأتيه مع نبذه عنه
11-وش آخر خبر في الجريدة قرأتيه
12- بعد ماتخرجتي وش الأشياء اللي سويتيها عشان تطورين نفسك في مجال تخصصك
13- طبعا إذا عندك دورات قوليها
وبالتوفيق
-------------------------------------------------------------------------
بتكلم لك بشكل عام عن المقابله الشخصيه بغض النظر عن القسم والتخصص والدرجه
انا قدمت ماجستير جغرافيا وقابلوني قبل اسبوعين ادعو لي وللجميع بالقبول
من خلال مقابلتي ومقابلة البنات اللي قبلي كان التركيز على اي كلمه تقولينها
مثلاً يسالونك متى كان تخرجك وكم معدلك بعدها ايش حابه تتخصصي
مثلا احنا عندنا بالجغرافيا فروع كثيره فلو اخترت المناخ سالوني
ماهي عناصر المناخ صفي مناخنا بعدها على ضوء اجابتك يبتدوء يستخرجوا لك الاسئله
عشان كذا انتبهي وكوني واثقه بكل كلمه تقولينها هذي من ناحيه
الناحيه الثانيه يبغون وحده تناقشهم تدخل معاهم وماتكون متوتره باختصار كوني واثقه
هذا بالنسبه لاسئلة التخصص
بعدها يسالونك اسئله عامه او ثقافيه
مثلا عن اخر كتاب قراتيه وانتبهي تقولي ماحب القراءه او تعطيهم اسم كتاب ماقريتيه
وراح يسالونك عن المؤلف من الحين دوري لك كتاب واحفظي اسمه ومؤلفه وعن ايش يتكلم
ويمكن يسالونك ايش استفدتي من هذا لكتاب انتي حطي كل الاحتمالات في بالك
برضوا يمكن يسالونك عن كيف تقضين وقت فراغك
او عن دخولك للانتر نت
او عن اهم القضايا في مجتمعنا
هنا صدقيني اتوقع راح تبدعي خاصه اذا تكلمتي عن مشكله نعاني منها بس طبعا
لازم تعرفي ايش هيا المشكله وكيف حلها وايش رايك انتي فيها <<<من هنا بيحكموا على شخصيتك
امممممممممممممم
ابتعدي عن تكرار كلمة انا صلحت او بالاصح عن اي شي يدل على الانا اي الانانيه
من خلال مناقشاتك سوا الثقافيه او بنفس مجال تخصصك حاولي توصلي لهم
او تحسسيهم انو عندك طموح وامل كبير في تطوير مجال تخصصك وانو حابه تكوني عضو
فعال بمجتمعك
وهذي بعض النصائح ويارب يوفقك ويسهل عليك
*مهما قراتي من اسئله هنا او من خلال تجارب الاخرين بالمقابله الشخصيه لا تحبطي نفسك
وبنفس الوقت لا تتاملي انو كل هالاشياء راح تصير لك بمعنى اعتبري كلامنا وتجاربنا
مفتاح لك ونماذج فقط للمقابلات الشخصيه
*قراءه دعاء الاستخاره وخاصه قبل مايجي دورك وبعدها اطلبي من الله
اذا كان هذا الشي خير لك يقربك منه واذا شر عليك يبعدك عنه ويعوضك
صدقيني ان شاءالله حترتاحي بغض النظر عن ايش قدمتي بالمقابله وهذا اللي انا سويته الحمدلله
الحين حاسه ان مرتاحه حتى لو ماتم قبولي من بعد قراتي لدعاء الاستخاره وصراحه فرق
عن ايام تقديمي للاختبار ووقت الانتظار والحمدلله على كل حال
* ابعدي عن التوتر يمكن يكون فيه توتر بداية المقابله بس سيطري عليه بقية الوقت
* اطلعي على مجال تخصصك قبل موعدك وارجع واكرر احنا في مقابلتنا استمدوا
الاسئله من اجاباتنا عشان كذا انتبهي تقولي معلومه ماعندك خلفيه عنها او منتي متاكده منها
والله يوفقك يارب واجعلي توكللك على الله وان شاءالله هو بيسهلها .
-------------------------------------------------
تكلمي عن نفسك و قالي ايش تخصصك و ايش المشاريع اللي صلحتيها وش اسم القسم بالانجليزي وليش ماخذتي دورات وقال ايش عملتي يوم تخرجتي قلت له قعدت اطور ببعض اشياء في تخصصي مادرستها من ضمنها التصميم قالي وش اخر كتاب قرييته؟و قالي وش رايك بتقنيات التعليم اللي كانت مستخدمه في قسمكم .. بالنسبه للبنات بعضهم سألهم تعرفون انجليزي و كيف مستواكم و تكلمي عن نفسك اقري عن تقنيات التعليم و المدارس الالكترونية و الاشياء الواضحه و احدث شي عشان تكونين مستعده لاي سؤال و اكيددد انتي قولي بشكل مختصرر و بهددف باسلوب واثقه مرره و حاولي تكونين مستعده بالانجليزي ...و بالتووفيق و اددعي لي بكره الجمعه دعواتي لكم بالتوفيق
------------------------------------------------
1- عرفي باسمك؟؟
2- ايش ممكن تضيفين للقسم لو تعينتي ( باذن الله ) استاذة؟؟
3- الدورات السابقة.
4- هل لك أنشطة خارج مجال الدراسة الجامعية.
5- كيف تقيمين مستوى لغتك الأنجليزية؟؟
6- ماهي قراءتك خارج المجال؟؟
7- ماهي خبراتك الوظيفية؟؟
8 - ايش اخر موقع دخلتيه ؟؟
9- كيف ممكن تفعلين استخدام الحاسب الالي في تدريس هذا القسم .
10- ليش اخترتي قسم الوسائل وتركتي تخصصك ( الحاسب) عشان تكوني معيده فيه ؟؟<< عااااد هنا طلعي ابداعاااتك
طبعا هذا اللي اتذكره من الاسئلة اللي تعرضت لها أنا وزميلاتي
وبالتوفيق يااارب ولاتنسون حبااااااايب قلبي تدعون لي انقبل بالماجستير
---------------------------------------------------------------
جامعة ام القرى
س/ ماهو تعريف المنهج ؟
س/ ماهو أهم أركان العملية التعليميه ؟
س/هاتي ثلاثه طرق من طرق التدريس ؟
س/ مالفرق بين طريقة التدريس واستراتيجية التعليم ؟
س/ لوكان عندك مجموعتين من الطالبات مجموعه ذات عدد قليل والأخرى ذات عدد كبير ...
ماهي طرق التدريس التي تصلح لكل مجموعه ؟
س/ هل قرأت كتب في مجال طرق التدريس ...ومن المؤلف ؟
س/ مالفرق بين مصطلح تقويم ومصطلح تقييم ؟
وأنا قسمي كيمياء وماسألوا عن التقدير ........
----------------------------------
الأسئلة بشكل عام كانت طيبة ..
كانت سؤال في التخصص وسؤال عام طول المقابلة ..
الأسئلة العامة :
- كيف ناصرت الرسول صلى الله عليه وسلم عند ظهور الرسوم المسيئة ؟
- كيف تناصرين القضية الفلسطينية ؟
- ما الفرق بين الحاسب الآلي والكمبيوتر ؟
- ماذا تعرفين في الحاسب الآلي ؟ وما هي البرامج الموجودة فيه ؟
اسئلة التخصص :
- ما مفهوم التقنيات ؟
- لماذا اخترت التخصص هذا ؟
- مامفهوم تكنو لوجيا التعليم ؟
- انواع الوسائل التعليمية ؟
- كيف تربطين بين تقنيات التعليم والعقيدة الإسلامية ؟
- هاتي مثال ان الرسول صلى الله عليه وسلم استخدم الوسيلة التعليمية ؟
- ما مفهوم التعليم عن بعد ؟
وهناك اسئلة كثييييييييرة خارجه عن الموضوع مثل انت متزوجة انت ليش ماقدمت قبل كذا
ماجستير انت فين مكان الكلية اللي درست فيها اش بتعملي طول هذه الفترة بالبيت
-----------------------------------
كنت أول متقدمه .. بالعلوم ..
جلست قدام الدكتورة <<<< تراها تحكي بالتفصيل .. ههههههههه
المهم قالت لي صورة من شهادتك .. مصدقه .. وصورة من هويتك ..
عطيتها طلبها ..
قالت لي دباسه ؟
قلت ما عندي ..
المهم قالت تبي دباسه ومدري وشو ..
وطلعت للبنات نبهتهم انهم يدبسوا الاوراق مع بعض ..
بدأت معاي بالاسئله ..
وكان أول سؤال :
وش اسمك .. تاريخ ميلادك .. متزوجه أو لا .. موظفه أو لا ..
بعد كذا سألت :
ليش اخترتي تخصص مناهج ...؟
وجاوبت وانا واثقة من نفسي الحمد لله ..
يعني بكل الاسئله ما كنت مرتبكة .. بالعكس كنت واثقه من اجاباتي اللي جاوبتها ..
بعد كذا تنوعت الاسئله بين العامه .. واللي بالتخصص ..
بذكر لكم اللي اتذكره :
كم عدد الدول العربيه << هالسؤال طرى على بالها وهي تتكلم معاي .. وقامت اضافته على بقية الأسئله ... كتبته وانا اشوف .. ههههههههههه
متى افتتح جسر المملكة البحرين ..
من هو وزير التربيه والتعليم ..؟
متى تأسس مجلس التعاون لدول الخليج العربيه ؟
متى تأسست وزارة التعليم العالي ؟
مالفرق بين التداريب العمليه والتجارب المعمليه ؟
ماذا تعرفين عن الحقائق العلميه .. اذكري مثال .. وكيف تبدأين بها في درس ؟
اعطي مثال على هدف مهاري ؟
العروض العمليه .. ماهي ؟
ماهي استراتيجيه التعليم ؟
ماهو تعريف المهارة ؟
ماهو تعريف المنهج الحديث ؟
فيه سؤال ما اتذكر نصه بالضبط .. بس كان عن الشغل بالمعمل .. وكيف ترتبينه ..
سؤال كان بعد عن انسب الطرق المستخدمه في تدريس العلوم ؟
ماهي الطريقه المفضله في تدريس العلوم ..
امممممممممممم
والله اسئلتها كانت كثيييييييير.
----------------------------
|