[بسومه22]

السلام عليكم ورحمة الله وبركاته

اخواني واخواتي حصل لي موقف ابي اذكرها لكم هالموقف صار قبل سنه كنت ادرس وقطعت ع الجامعه لظروف والحين الحمدلله رديت بس بديت من الصفر لعله خيره ..حبيت اذكر هالسالفه لاخواتي العسولات ي اللي مايعرفون يتصرفون في مثل هالمواقف


السالفه رحت للجامعه مع اخوي وقلت له ينتظرني

ابي اخلص شغله ع السريع بس كان يسولف معي اخوي ويضحك والسكيورتي يطالع كنه حاااقد او شاك اني مع رجال غريب خصوصا اني كنت متلثمه واضحك معه لانه قال ابمشي والطعك بالشمس طبعا اضحك معه وانا بالسياره يعني ماكنت برا وصوتي مب طالع لكن يبين من عيوني اكيد المهم جاا السكيورتي لمنا ويصيييح يقول بسرعه انزلي قلت له نعم خيييرليه انزل وش تبي؟؟

اخوي مستغرب وساكت قال بتنزلين ولا ترا اعرف شلون اتصرف معكم يالي ماتستحون اخوي عصب ونزل من السياره وتشابكوا انا اطالع ماني فاهمه شي وش سويت احاول اتذكر ؟؟انصدمت وخفت كثير
المهم جو حقين الامن وقالوا لاخوي عطنى هويتك وانا واقفه مع وحده ماسكتني مع يدي بالقوه اخوي يقول ماجبت الهويه في البيت ناسيها

قامت تقول الي ماسكتني اجل خويك انا هني فهمت السالفه انهم شاكين اني مع واحد غريب بس مع الخوف ماقدرت افكر انا عصبت يوم قالت لي كذا قلتلها انا اشرف منك يالي ماتستحين على وجهك وجلست اهددهم اني راح ارفع عليهم قضيه طبعا على طول دقيت على اخوي الكبير
ولحسن الحظ ان اخوي محامي وحظر بعد ساعه بها الساعه حقت الامن خافت يوم شافتني اصيح عليهم وهددتهم اني راح ارفع قضيه قذف خصوصا ان وحده فيهن قالت لي يالداشره
ونخوا يوم هدتتهم وحسوا اني صادقه قامت قالت ي اختي وش صار يعني؟؟

هذي اجرءات وشوله كل هالزعل والصيااح خلاص اذا تبين انه اخوك بنتركك تمشين الله يستر عليك قلت لها بها البساطه تبغوني امشي عقب ماقذفتوا وشكيتوا باخلاقي وشلون تتعاملون معي بها الطريقه انا بنت قبايل وبنت ناس واشرت على وحده فيهن قلت وهذي الي تقول علي داشره اصبري انا اعرف شلون اخذ حقي منك وهي ساااكته


حظر اخوي وتهاوش معهم وجلس السكيورتي يعتذر من اخوي الي اخطى عليه ويقوله العذر والسموحه ي اخوي والزفته الثانيه الي جلست تتوعد نخت عندي واعتذرت مني واخوي مارضى يرفع عليهم قضيه يقول مابي اقطع رزقهم خلاص انسي ي اللي صار هم اخطوا واعتذروا

طيب ليه مايتعاملون معنا بأدب وش هالهمجيه ي اللي عايشين فيها يعني لو جا وتكلم بأدب وطلب الهويه وش بيخسر اما هالاسلوب مايصلح وهالهمجيه وغيير الالفاظ السيئه قذف ويشككون في اخلاق الوحده

الشاهد من الموضوع اي وحده فيكن تطيح في مثل هالمصيبه لاتخاااف دام معها حق عادي لاصار معك حق خليك قويه ولاتسكتين عن حقك ولاتتنازلين الا اذا ردوا لك كرامتك والله اني كنت اتمنى ارفع قضيه عليهم خصوصا ياللي قالت عني داشره بس اخوي عييا وقال لا حتى لو صار واخوك مب معك مثل الاخت الي قبلي قريت قضيتها وكسرت خاااطري هم يحبون يطغون ع الضعيفات

مب بس الامن حتى الاستاذات يلي تكلمك باسلوب همجي عامليها بنفس الاسلوب ولاتسكتين أذكر بدورة الحاسب كنت اطالع الشرح ومعي وحده جنبي نسولف وانا ابتسم لها قامت الاستاذه وقفتني تقول ليه مبتسمه ؟؟
ع بالها اني ااتكلم عليها واضحك قلتلها وش فيها لاهو حرام ولاعيب حقدت علي تقول ثاني مره بطردك قلت لها ماخطيت عليك عشان تطرديني ردت علي وهي معصبه تفضلي اجلسي دفعه فاشله قمت اضحك حتى الابتسامه محرمينها علينا

لكن الشهادة لله مب الكل اغلب الاستاذات عسوولات ويتعاملون معنا باحترام وادب واخلاقهم جدا عاليه وهذا يدل طبعا على تربيتهم اما ي اللي تصيح وتنافخ وتقذف هذي الفئه اتمنى انهم ينحطون في مكانهم الصدزي (شهار) لانهن مايصلحن استاذات هم يالي جابوا لنا عقده هالفئه المريضه ي اللي تشكك باخلاق الوحده والي تحب تطغى ع الضعيفات وي اللي مسويا نفسها الفاهمه وتشكك باخلاقك وتحسب نفسها من شعب الله المختااار

اسفه ع الأطاله لكن حبيت اذكر لكم ي اللي صار معي وحابه كل وحده من اخوواتي واخواني يذكرون لنا وش اصعب موقف مريت (ي) فيه او موقف ماعرفت(ي) شلون تتصرفون فيه

طبعا السؤال موجه لاخواتي واخواني الاعضاء