[بيو كيميائية ^_^]

الناس في بداية المدونة تعرف عن نفسها

أنا بعد 12 رد قررت أعرف عن نفسي

أنا اسمي زهراء


ولدت في مستشفى الظهران التابع لآرامكو على يد دكتورة أمريكية عشان كذا أنا أحب أمريكا :p

سنة 1990 يوم 18 من شهر ديسمبر

1411 اليوم الأول من جمادى الآخر >> حقيقةً توني أنتبه إن تاريخ ميلادي كله واحد ماعدا رقمين

لكن الحين لما أسجل وأكتب الميلادي يطلع لي الهجري دايركت 30 جمادى أولى

بالرغم إن في الجواز وشهادة الميلاد مكتوب 1/ 6 و 18 / 12 !!

خريجة 2012 فصل ثاني كيمياء حيوي

عاطلة عن العمل حاليًا و أبحث عن مكان أشتغل فيه

حاليًا أشتغل على بحث لصديقتي

أحب أكون لوحدي في معظمـ الأوقات

أحب أسلي نفسي لما أكون زعلانة عشان أقدر أعيش

ماأحب الملاقيف

أكرهـ الإجازات

تعلمت في الحياة لما أحد يظلمني أو يقول شيء عني ماأجيب له خبر وأخليه ينبح مثل الكلب

وأجلس أدعي عليه ليل نهار

لأن صارت لي مواقف خلتني أبطل آخذ حقي وأنتظر عقاب الله فقط

مثال

العامـ لما كنت مستوى خامس وحدة ظلمتني أنا وأختي في السكن

الكل ماصدقنا

وسكتنا وصرنا ندعي ليل نهار صرت أشوفها من مصيبة لمصيبة وفي يوم شفتها تزحف ماتقدر تمشي وبعدها ماتت قبل كمـ شهر

صحيح ناس تتطول لين مايصير فيها شيء لكن أحس براحة أكبر أكثر من لما آخذ حقي

هذا أنا بإختصار