طبعا الدكتوره ماقصرت قالتلكم كل شيء عن السنه الثانيه
يعطيها الف عافيه
طبعا بس حاب اضيف نقطه مادري ذكرتها ولا لا لاني مالحقت اقرا كامل الموضوع
اول محاضره راح تاخذوها في الكليه ::
لو خرجتوآ من المحاضره بـ 20% فقط ... فلا تخآفون الوضع اوكي
المحاضره الثانيه بتزيد النسبه والثالثه والرابعه والخامسه ممكن يمر كم يوم وانتم يادوب تفهموا اشياء بسيطه مع الدكتور ... هذا طبيعي بسبب اللغه ممكن او التوتر او رهبة البدايات لكن ماراح تزيد عن اسبوع او اسبوعين ... وبعدها راح تاخذوا على الوضع..
ثاني حاجه :: انا واحد من الناس اللي ماقد تخيلت نفسي في يوم من الايام بروح مكتبه واجلس اقرا او اذاكر .. بس مع الطب هذا الشيء كثيييير مفيد خاصة في البريكات والاوقات الفاضيه روحوا قروب للمكتبه واجلسو ذاكروا مع بعض وفهموا بعض راح تستفيدو كثير
ثالث حاجه ::زي ماقالت الاخت ... لاتنصدموا من الدرجات .... مهمتك في اول ترم ( الخروج باقل الاضرار ) يعني حاولو قد ماتقدرو ماينزل المعدل كثير ... وفي طلاب ماشاء الله عليهم المعدل بقي زي ماهو ....
رابع حاجه ::: في دكاتره ... شرحهم كويس زياده عن اللزوم
عشان كذا لا بد تروحوا للمراجع وتفهموا بنفسكم وتدخلو مواقع وتدورو عن المعلومه ... خلاص انتو الان ( ثلث دكتور ) << على قولة واحد من الدكاتره ... يعني لازم تعرفوا كيف تطلعو المعلومه وترجعو للمراجع وتدورو فيها ... ( واكيد راح يساعدوكم في هذا الشيء في اول ترم )
خامس واخر حاجه :: اكيد اغلبكم يعرف عن اللجنه العلميه ... واللي مايعرفها ( باختصار مجموعه من الطلاب يقسمو نفسهم على مواد الترم .. كل ماده يمسكها مجموعه ... هذي المجموعه هي اللي تحدد مع الدكتور وتستفسر منه بخصوص الاختبار وتسوي ملخصات وتوفر لبقية الطلاب المواد العلميه من سلايدات وشيتات وغيرها )... اللي ابغى اقوله ... الكثير راح يقول في نفسه مابغى اكرف نفسي واخدم الدفعه وغيري مرتاح جالس في بيته وتجيه التاشيرات والتلخيصات وغيرها ..... صدقوني الان اوائل الدفعه في الدرجات هم اعضاء اللجنه العلميه .... اولا ربما بل اكيد توفيق من ربهم لانهم ساعدو اخوانهم من دون مقابل ووفرو لهم مايحتاجون.... ثانيا لانهم حيكونو ملمين بالمحاضرات اول باول وعارفينها ........ لذلك لازم عليكم تتسابقو على تحصيل مكان في اللجنه العلميه ... واللجنه العلميه مسؤوليه مو بس تاخذوها عشان تذاكرو اول باول ... لازم تساعدو بقية الطللبه ...
ادري كلامي كثير ... بس ان شاء الله يحقق الفائده المرجوه....
ودعواتكم لي في اخر اختبارات السنه الثانيه من الطب ( يوم الاربعاء )
وبالتوفيق للجميع