رد: ~ تجمع خاص فقط للجداول وتعديلهم ~
برفيسورة شوفي يا عسل..
فيزياء 202 و 203 لو حذفت واحدة منهم الوضع راح يكون كالتالي:~
في حال حذفت فيزياء 202:~
راح تاخذي في المستوى الرابع ميكانيكا تقليدية و ديناميكا حرارية و طرق نظرية و ما راح تقدري تاخذي فيزياء حديثة..
حقيقة إنتِ لما تأخري حديثة 1 راح تضطري تأخري حديثة 2 و بالتالي كوانتم..
و راح تتعطلي شوية..
لو ماعندك مانع تتأخري في الجامعة سيميستر..
أما لو حذفت فيزياء 203:~
راح تاخذي في المستوى الرابع ميكانيكا تقليدية و طرق نظرية و فيزياء حديثة و ماراح تقدري تاخذي ديناميكا حرارية..
بس الديناميكا متطلب لمادة واحدة بس إللي هي ميكانيكا إحصائية و هذي مادة في التخرج..
//
\\
أنا وضحت لك الوضع و إنتِ اختاري..
بالنسبة لـ 202 ترى هي موصعبة هي الدكتورة الله يسامحها و يهديها ما تفهم كويس..
بس أسئلتها كلها اختيارات و لو شديت حيلك في المادة راح تقدري تجيبي فيها درجة بإذن الله..
و أيًا كان إللي راح تحذفيه لازم تاخذي واحد من المعامل يا فيزياء 281 يا كيمياء 281..
لأنه لو ما حذفتيهم قلت لك راح تتكرفي في المعامل بعد كذا وراح تسبب لك أزمة فظييعة..
بالنسبة للمعملين معمل الفيزياء كان أحسن و أحلى بس معمل الكيمياء كان الشغل فيه أقل..
معمل الفيزياء شغله فيه حسابات أكثر و رسم بياني،، معمل الكيمياء كم تجربة فيها حسابات بسيطة و مافي رسم أبدًا..
لكني حبيت معمل الفيزياء أكثر،، يمكن لأنه تخصصي فيزياء،، و يمكن لأنه استاذة معمل الكيمياء كرهتني يوم الأربعاء بكبره،، و يمكن لأنه معمل الكيمياء كان فيه روائح فظييعة..
أمممم ما أقدر أقول لك أي معمل تختاري أحسهم نفس الشي و إنت مضطرة تاخذيهم الإثنين..
لكن معمل فيزياء 281 راح يفيدك في معامل التخصص أكثر من ناحية طريقة الرسم البياني و طريقة القياس و أخذ القراءات و فيه كم تجربة راح تنعاد لك في معمل 203 لكن بشكل أوسع شوي..
عمومًا إنتِ استخيري و كمان استشيري المشرفة الأكاديمية تبعك،، و ربنا يقدم لك إللي فيه الخير||~
|