[برآءة حروف]

،،

1- ماهي نقطة ضعفك؟

احن بسرررررعة .. لو ايش ماصار وقلتولي كم كلمة تحزن .. على طول اعفي عنكم .. هع
وكمان حسساسة مرررة .. بس انا ماابين للناس اني حسساسه


2- ماهي أصعب كلمة ممكن أن تقولها لأي شخص؟

اصعب كلمة .. امممم
مافي بس يمكن تكون الكلمة تجرح (لانو مااحب اجرح احد مهما كان .. حتى لو انو فاقع قلبي واكرهو (مع اني مااكره احد)


3- ماهي مشكلة العصر في نظرك؟

التكنولوجيا (مايعرفوا كيف يستخدموها .. بالذات العرب هم الاغلب)
وكمان الثقافة عند العرب او الاخص الخليج العربي .. مرررة مايتثقفوا لا علمياً ولا دينياً (انا اتكلم عن الاغلب)


4- ماهو الشيء الذي يطاردك في كل مكان وأنت تهرب منة؟

امممم
لايوجد .. ولله الحمد


5- هل تمنيت الموت يومآ! ومتى؟

يمكن .. بس افتكر لما تخرجت من الثانوي مريت بأيام عصيبة (بس مااعتقد اني فكرت كذا ..!)


6- ماهي الطريقة التي تعبر فيها عن غضبك؟

اذا عصبت العالم كلها تسمع صوتي .. هع
يعني الله يعين اللي يكون جنبي ..
ومااحب اللي يعابطني وقتها .. يروح فيها .. خخخخخخخخخ


7- هل إسمك المستعار قريب من شخصيتك؟

مدري .. بس احسو لا ..


8- ماهو دافعك في الحياة؟

زمان قبل سنتين يمكن لما كنت في الثانوي ولما تخرجت .. ماكان عندي دافع (كنت احس نفسي عايشه بدون هدف)
اما دحين .. بعد ماتخصصت ابغى اكمل واخذ ماستر كمان .. بعدين افكر في الزواج << برآآآآ
لانو انا ماايد فكرة البنت تتزوج بدري (احسن شي لما تتزوج بعد الـ25)
عشان خلاص قد فلتها وعاشت حياتها .. بعدين تتزوج وتستقر وتعيّش اسرتها في احسن حال :)


9- متى تكذب؟

هع
انا حكايتي مع الكذب حكاية .. نادراً مااحبُك الكذبة
بس في التمثيل شي ثاني (تبغون احد يمثل كلموني << برآآآآ)
هع

10- ماذا تفعل لو قال شخص أنه يكرهك؟

هع
ابلم وابتسم .. مع اني ماجربت
لكن جربت بكلمة ثانية .. (انتي متكبرة بس انقالت بطريقة .. ربي لا يذوقكم) .. انصدمت ولا عرفت ايش اسوي
وتلقائياً ابتسمت .. مدري ليه ابتسمت بس مبين من شكلي كأنو احد اداني كف


11- لو أنت مخير أن يكسر أحد الأمرين
(كرامتك) أو (قلبك) ماذا تختار؟؟؟

قلبي ينكسر, لكن كرآآمتي ابدآآآ << نفس الجواب اهم شي الكرامة



12- لمن تهدي ثقتك؟

لا اثق الا في امي وابويا واخواني (وبنت عمي) .. بسسسس


13- هل تغفر لمن خانك أو كذب عليك ؟

مستحيييييل لاني حسسساسه جداً .. بس اذا اعتذر
اسامح على طوووول

14- ماهو شعارك في الحياة؟

طنش تعش تنتعش :)
وساعد نفسك .. مافي احد بيساعدك


15- من الشخص الذي ممكن تضعف أمامه؟

اممم
مافي ..!


16- من أكثر شخص يخاف عليك !وأكثر شخص تخاف منة؟

اكثر اشخاص يخافون عليا امي وابويا واخواني .. ربي يسعدهم ويخليهم
واكثر شخص اخاف منو .. اممم .. مافي ..!


17- مالشيء الذي يمكن أن يبكيك؟

الشي اللي يبكيني .. لما يكون نفسي في شي ومرتبه نفسي عشانو وفجأه يتكنسل (بس نادراً ابكي)
والا اذا انا مخنووووقه ومافي احد يحس فيني
والا لما اجي اتخذ قرار صعب .. بالذات في دراستي :(
وكمان لما افقد احد عزيز عليا .. ولما يتوفى احد فجأه بطريقة صعبة على اهلو .. ابكي حتى لو مااعرفو
ولما اقرا قصة مؤثرة
ولما اشوف مسلسل فيلو موقف يحزن
(زي مسلسل سكتم بكتم حلقة المعاقين .. وكان وقتها تجمعوا اخواني عندنا وبكيت .. وماابغى ابين
والا كفشوني وقاعدين يتريقو عليا ويقولوا هذا تمثيل اقولهم ايوا تمثيل بس زي حال الحقيقة .. بس وربي تحزن ذيك الحلقة
الين دحين فيني حزن وببكي)
وكمان (مسلسل بو كريم برقبته 7 حريم .. لما عرفوا انو امهم وقاعدين يهزأوها انا وقتها بكيت)
يعني لو اني اعدد متى الاوقات اللي ابكي فيها مابخلص


18- هل وجدت أحد قريب من شخصيتك في المنتدى؟

امممم .. الى الان لا
مافي احد زي شخصيتي وعندو اهتمامات زي اهتماماتي ..!



19- لمن تقول "stop"وقًف مكانك؟

لما احد يتمنذل او يزعج طفل صغير .. اما انا اتمنذل واعابط الاطفال عادي .. هع
وكمان لما احد يجرحني .. مااحب احد يجرحني او يتكلم عليا (بس مقدر اقول استوب) .. ماابغى احسسهم بإني انجرحت او زعلت منهم

20- ماذا علمتك الحياة؟

التفاؤل .. والرضا .. والصبر


موضوع قمة في الروعة ملوكة .. خليتيني افضفض شويتين
انا عارفة انو الناس حيعترضوا على شخصيتي وح يدوني نصايح .. لانو اغلب الناس ماتعجبهم شخصيتي

بس اهم شي اني انا راضيه عليها

موفقه ملوكه ..~
تحيتي

^^