[adnans]

المشاركة الأصلية كتبت بواسطة مجهول الهوية 007 خي الفاضل اشكر لك نصيحيتك لي ،، لكن اتمنى انك تشوف مشاركاتي بالمنتدى والردود تجدني من اكثر الناس التي تقوم بالشرح وانزال الاسئلة ، واسئلة الاختبارات ،،،، الحمد لله القسم هنا يشهد لي بالمشاركة في جميع ما استطيع ان اقدمه ، لكن عندما تثق في ناس وتقدرهم وتجد بعضهم للاسف تهمه مصلحته الشخصية فوق كل شي فايش راح تسوي في الحالة هذي ؟؟!! اتمنى انك فهمت قصدي واعتذر لك على الاطالة

العفو حبيبي ولا يهمك .. أنا ما حشوف مشاركاتك يالغالي لأني ما أقدر أجازيك عليها ربي عالم فيها كلها وأسأله يجازيك عنها بكل خير .. على راسي القسم كله لكن لا تخلي أحد يشهدلك يخوي غير الله لأن الناس مهما كان شهادتهم مجروحه هم بشر ولكن الله رب البشر يشهد الله بعد ما وضحتلي أني فهمتك بدون ما يشهدلك أحد يكفي أنك تقلي أنك كذا وأنا حصدقك بدون ما تشهد أحد ..
بالنسبه لبعض الناس اللي تثق فيها وتقدرها وتهتم بمصلحتها فأنا أتفق معاك فالمحتوى وأختلف فالمضمون أوضحلك من ناحية في ناس فأنت صدقت وأنا معك ناس أنانيه ما تهتم الا فنفسها لكن المضمون اللي أقصده هل هالناس اذا عاملتني بذي الطريقه راح أترك الخير اللي كنت أسويه وهل في أحد فالدنيا ذي يقدر أو يسوى أنه يوقفك عن فعل الخير ؟ ما أظن لا تغير طريقتك مشان كم أناني وخليك زي ما عهدوك أهل المنتدى ومن حسن لأحسن أن شاء الله .. شي بسيط أوضحه قعدت مره مع واحد من الدوافير الانانيين هدول وهرجت معه فلقيت أن عنده ظروف لو كانت فيني ممكن كنت قتلت نفسي وما أبالغ أبدا فقولوا الحمدلله ومهما كان الطرف الثاني مخطي أدعو ربي يهديه وشيلوا همه فقلبكم وخلوا قلوبكم توسع الجميع بما فيهم هذا اللي فنظركم أناني من ناحيتي ناس تأذيني كل يوم وأنا أساعدها ويشهد الله أرتاح وأنبسط لين أشوفهم مرتاحين ومنبسطين هم فقلوبهم حسد لكن لا تخلو للحقد طريق لقلوبنا أحنا فنصير أسوء منهم .. أعتذر لك أخوي أن كان ردي الثاني برضه ما عجبك لكن يشهد الله أني أتمنالك السعاده أكثر من نفسي فلا تقول ذا زعلان مني أن زعلت من شي قلته أنت مو معناها أني زعلت منك بالعكس مقامك على الراس وعزيز وغالي الله يوفقك يارب .. مقااااااال كتبت ههههه تعجبني الفلسفه والله خليني أروح للي تحتك حستلمكم واحد واحد

المشاركة الأصلية كتبت بواسطة alza3eem اخوي ادنانس مجهول الهويه قال هالكلام من القهر والله شي يقهر الطالب او الطالبه اللي ارسلو للدكتور التست بانك ايش الفايده الحين ؟؟؟ يعني الحين انا متأكد انه النهائي مابيجي من التست بسبب هاللي قال للدكتور انا والله مادرست من التست كنت بدرسه ويوم عرفت انه في احد ارسل للدكتور التست يستفسر هل بتجي منها او لا بطلت ادرس منه لاني تأكدت انه مابيجيب منها دامه عرف انه مع الطلاب والله شي يقهر انا واختي اللي نزلت الموضوع والله تعبنا بالبحث عن هالاسئله وبعد التعب هذا ماادرسه ويجي الاختبار منه مدري شقول جبت العيد انا بالاختبار على اني فاهم الماده مزبوط بس لغتي ماتسمحلي اني اجاوب مزبوط لو واعوذ بالله من كلمة لو اني بس قرأت التست كان جبت فل مارك ان شاء الله الحمد لله على كل حال الله يوفق الجميع يارب

هلا أخوي حياك أسمي عدنان حسستني أني أسباني الله يسامحك .. أتمنى تشوف ردي على أخونا الطيب فوق ممكن راح تفهم اللي كنت أبغى أوصله .. من ناحيتي والله مدري مين دبس ذا أنا عند الهندي وغايب لي أكثر من 4 محاضرات عالتوالي وقته 4 العصر ولا أفهم شي فقاعد أحضر دورات أصرفلي .. يخوي لا تنقهر ولا شي كأن توفيقك فيد تست بانك ترى التوفيق بيد الله وهو قادر بأنه ييسرلك الفل مارك بدون ما تذاكر وبكل حال راح أحاول أترجم شباتر النهائي بدري مشان تذاكروها براحتكم وصدقني كله راح يتسهل ما تخاف .. الله لا يضيعلك تعب أنت والأخت الكريمه شفت جهدكم وأقدره وأسأل ربي يجزيكم كل خير لكن صدقني التست بانك رغم كل شي خطأ فخطأ حتى لو كان الاختبار منه قسم بالله لو ما ذاكرنا من الكتاب أو السلايدات ما حنستفيد حرف أنا ذاكرت مواد تست بانك وبعدها صرت أنحرج لو أحد يقلي هالماده أنت درستها يا عدنان تتكلم عن أيه أخاف أقله تست بانك ويضحك فوجهي أما المواد الثانيه ذاركتها فهم وجبت درجات أعلى وخرجت بفايده حتى فحياتي كبيره ما أقول ذا الكلام تسليك أو أسوي فيها مافي دكاتره يشوفوا كلامي أو يعرفوني هنا أقول هالكلام لكم كأخوان عزيزين على قلبي خلونا نذاكر هالمواد بفهم وصدقوني راح تفلحوا والآي بلس يجي لين حدكم وأخذتها الترم الماضي فكم ماده جربوا ذاكروا بنفس وبفهم وبحب للماده وش ذي الماده ووش فيها أففف راح تفيدني بعدين وأقروا الكلام بسعاده مو بأحباط كأنكم تقروا الكلام غصب .. عالعموم منور بوجودك وأن شاء الله أزبط أشياء طيبه قبل الاختبارات النهائيه سواء كانت للأتراتيجيه أو للجوده أو للأعمال الدوليه هذا وعد أن شاء الله أن ربي أحياني.. فمان الله

المشاركة الأصلية كتبت بواسطة girl.k.s.a صبآحكم رضا من رب العباد الناس اللي نموذجهم b ياريت يشيكوا على التست ويجمعوا لنا أسئلتهم عشان اللي بعدنا يستفيدوا ,, أنا جمعت كل أسئلة a اللي جاتنا =) -------- عدنان شكراً على نصيحتك وأتمنى انو يستفيدوا منها الناس اللي فعلاً كدا .. أما أخونا مجهول الهوية ,, فـ للأسف إنتا ما تعرفو ,, ما شاء الله عليه يساعدنا في كل اللي يقدر عليه الله يجزآهـ الجنة ووالديه بغير حساب =) ,, نحنا نقول هالكلام لأنو فعلاً داااااااااااااااااااااائما تتعمل الحركة دي وننبه عليها لكن لا حياة لمن تنادي لو ما يحبوا الخير لأخوانهم وأخواتهم صدقني ما راح تلقاهم هنا ولا راح تلقاهم نزلوا التست هنا كان يقدروا يرسلوهـ للي يعرفوهم ايميل وخلاص ،، كل القضية إنو الدكاترة ما يبغوا الطلاب والطالبات يذاكروا من التست بانك فقط عشان ما يحفظوا من دون فهم .. وكلامهم صح لكن في ناس عندها ظروف ما يمديها تذاكر المنهج كامل إما اللغة مو مرا إما تعبانين .... إلخ إذا في أحد عندو سؤال يسأل هنا عاااااادي كلنا راح نساعدوا وبنفس طيبة يعني نحنا قولنا كدا عشان الدكاترة ما يجيبوا أسئلة صعبة ونروح نجيب العيد ----- ومشكوووور على كلامك الله يعطيك العافيه =)

أحنا فالمسا الحين ف مسا النور .. الشكر لله أختنا الطيبه ويارب يستفيد الجميع أولهم أنا .. من ناحية أخونا اللهم آمين الله يوفقه ما قلت شي عزيز وغالي وأنا رديت عليه ووضحت له اللي كنت أقصده .. أتمنى تقري ردي عليه أظن راح تتوضحلك كم نقطه ما فهمتيها مني .. شوفي أنتي عندك موضوع أظن تجمع الطلاب والطالبات أن في طلاب عندهم ظروف أو ضعف لغه كلميني عليهم فنفس موضوعك وبأذن الله أفضي نفسي وأساعدهم حتى لو فأيام الاختبارات النهائيه بس لو كان فمواد ما أدرسها يجوني فوقت قبل الأختبارات لأني كمان أدرس زيكم فلو كلموني فوقت أختباراتي حيضغوني رغم أني عندي ظروف تشغلني عن الجامعه باللي فيها المهم أي أحد صعب عليه شي يكلمني عليه وأنا بأذن الله راح أساعد باللي أقدر عليه وزياده أنا كنت منهم من فتره المهم زي ما قلت لأخوي الزعيم أن شاء الله يتجهز شي طيب للمواد اللي قلت عليها وأي خدمه فأنا تحت أمركم لا تستحوا ولا شي تراه شي تافه وما يستاهل أحد يستحي مشانه والناس خلقت لبعض .. بخصوص رأيي اللي قلته للأخ هل تظنوني لو شفت العالم كله علي حقول لا لا صح كلامكم وغلط كلامي ههههه عمري فحياتي ما قلت على نفسي غلط والناس صح النفس عزيزه على قولتهم رغم كذا قبل ما أقول حرف أحسب حسابه ههههه عزيزين وغاليين .. فمان من بيده الأمان