[صوت الفجر]

بســــــم الله الرحمن الرحيـــــــم


السلام عليكم ورحمــــــــــه الله وبركـاته ،،،

كيفكم ياحلوين


اليوم جبت لكم طريقـــة المكرونــة بالباشميل ....،،،،.... لحد يقول صعبة بعد اليوم ،،،،


ترى أسهـــل شي صح خطواتهــا كثيـــرهـ بس أهم شي تنظيم حركتك بالمطبخ << شوفوا من يتكلم قال منظمة قال وربي احوس اووم المطبخ المهم


اول شي نحط المكرونــه بالنار ...طبعآ ما نسلقها عادي لا نحط معها بهارات وكــاري وملح عشان يكون مذاقها احــلى ...


اوكي الخطوة الثانيــة نشوي الكشنه ممكن تكون الحشوهـ لحم او دجاج او تونه

راح اشرح كل كشنحه على حدا

اللحم

نقطع البصل ونتركة يتحمر ونحط فوقهم اللحم ونحط البهارات والكاري ونضبط الملح ونخليه يتحمر شوي اللحم وبعدها نحط الطماطم ونتركه على النار لين تستوي ونحط بالنهاية الثوم والكزبرهـ ... وبس

الدجاج

نقطع البصل ونتركة يتحمر ونحط فوقهم الدجاج ونحط البهارات والكاري والثوم ونحط معكب ماجي او نص مانكثر ماجي وبعدين نحط فلفل رومي ونتركة يتحمر بعدين نحط الطماطم ونتركة لين يستوي الدجاج ... وبس


التونـــة

نقطع البصل ويتحمر ونحط فوقهم التونه ونحط البهارات والكاري والثوم ومكعب ماجي او كمان نص ونحط الفلفل الرومي ونتركها شوي ونحط بعدبن الطماطم ونتركها شوي لين تذوب الطماطم ... وبس

ملاحظــــة مهمــــــة \\ إذا بنسوي اللحم مانحط معه فلفل رومي ابدا


الخطوهـ الثالثــــة

الباشميل

فتحوا عيونكم

لكل كوب حليب ملعقتين دقيق

يعني اذا الصينيه تحتاج 4 أكواب حليب راح نحتاج 8 ملاعق حليب

حلوه فاهمين << ان شاء الله فهمتوا

نجي للطريقـــة نحط الدقيق والزيت على النار الزيت مايكون كثير ونقلبهم شوي حتى يتحمر الدقيق كويس
وبعدين نضيف الحليب زين ما اتفقنا كل ملعقتين دقيق لها كوب حليب

مانضيفهم دفعة وحده راح يكون حار جدا يمكن تطفي النار شوي ونصب الحليب شوي شوي ونقلب بسرعه عشان لا يتكتل

وشوي شوي لين نتتهي كمية الحليب ونضيف مكعب ماجي للخليط وبهارات بس كاري ونضبط الملح

ووبس ونسوي طبقه مكرونه وطبقه من الخلطه ودبقه مكرونه واخر شي نضيف الباشميل

وبس وندخلهم الفرن من فوق لين تحمـــر وبس هذي هي مكرونـة الباشميل


اتركم مع الصور بكل الاشكال




هذي لما اسوي اخر الليل يوم تهف نفسي ادلع نفسي وقلوب كمان







ارائكـــــــــم

.
.
.