[تاتلين]

طيب انا بقولكم...

المحاسبه 213اخذتها مع زكريا بالنسبه عني كنت افهم معاه وشرحه مرررره كويس صح اوقات السبوره والصوت ماكانوا واضحين مره بس عادي كنت افهم وكان كلاسه ممتع جدا كنت اضحك فيه كثير وماعمري فوتت ولامحاضره في الدرجات اتوقع انو يعطي كل واحد حقه صح اني عارضت على درجتي في النهائي بس اكيد شكلي خبصت على قولته واغلب البنات ماعجبهم وحولوا من عنده وبنات ماكانوا يفهموا منه بس هو مرررره طيوووب واخلاق واهم شي يديك الشي المهم في المحاضره واذا في سؤال مهم يقول هذا بيجيكم في الاختبار وواجباته كثيره نوعا ما...


الاقتصاد الكلي اخذته مع عفاف ونصحوني البنات احول من عندها بس قلت لا لازم اثبت لكم انها تمام وبسم الله علي فهمت منها ودرجاتي في الدوريات معاها حلوه بس في النهائي خبصت ماادري وش سالفتي مع النهائي المهم مابيفيد اتكلم عنها ومو لازم لانها خلاص بتروح..


الاداره اخذته مع رنا ديفيا كنت مره خايفه من الماده بس الحمدلله معاها كان جدا حلو اتوقع الكل ماخذ معاها ال60 تقريبا ادتنا واجبين بس كلها سهله وحتى قالت بديكم عليه 10 درجات بدون مااشوفه والحضور والغياب اتوقع ماكان مهم عندها كل مره نسالها كم عندنا غياب تقول تعالوا المحاضره الجايه وفي الاختبار الدوري مره ساعدتنا وطلعنا السلايدات قدامها وساعدنا بعض كثير وعادي ماقالت لنا شي وكمان في النهائي نفس الحاله..

الانجلش مع سحر صراحه كنت امل في محاضرتها بس انصدمت من الدرجات يعني الحمدلله درجتي حلوه معاها بس لو زودتني درجه عشان ترفع معدلي شوي بس عيبها واجباتها كثييييييييييييييييييييييييييير وشديده في التحضير بس اتوقع هي افضل استاذه في الشرح والدرجات.


ثقافه اخذته مع ابتسام وكنت اخاف منها ماادري ليه بس احسن شي كان يعجبني فيها اني ماكنت احضر معاها نجلس انا وصاحباتي نفطر ونتونس ووقت التحضير تدخل وحده مننا وتقول نعم نعم نعم ثلاث مرات عننا كلنا وخلاص يعني اللي ماتحب تحضر محاضرات تاخذها معاها بس مررره شديده ويايولك تاكلي علك في محاضرتها..

وبس بالتوفيق يارب للكل وشكرا ع الموضوع المفيد