[Somaiah Yousef]

المشاركة الأصلية كتبت بواسطة heba. السلام عليكم فيونكه ممكن أسالك ! سنه أولى هندسه صعبه ؟؟؟ يعني أنا الحين شاده حيلي في التحضيري و الحمد لله درجاتي مره تمام بس ماجبتها الا.بككككككرفف ،،تخيلي نص يومي مذاكرة وو احس بضغط على طول الوقت ،، بذات الأحياء مره عذبني و مشكلتي ما احفظ الا وانا ماشيته :(/ و نفسي ادرس هندسه لآني أحب الرياضيات و الفيزيا و ارتاح من الأحياء والكيمياء بس مره خاااايفه تكون السنه صعبه لو كدا مفكره أغير التخصص ببكبره ممكن تديني فكره عن موادها لو تقدير معليش و هل اقدر ارتب جدولي بنفسي و احذف مواد واخفق ع نفسي ولا ما اقدر ؟؟؟

وعليكم السلام

هو مافي اي تخصص في الدنيا فيه راحة ☺ .. كل التخصصات كرف وتعب

بس المهم تكوني حابة التخصص
تسأليني مكروفة وتعبانة ؟ ايييييه

بس ما افكر في التحويل..ولا ندمت على اختياري
انا حابته بالتعب والكرف اللي فيه .. ولو يرجع فيني الزمن برضو حختار هندسة ☺

السنة التحضيرية من ابسط السنوات واسهلها ف لا تقارنيها بأي شي

في السنة التحضيرية ماكنت استهلك طاقة كبيرة في المذاكرة .. هذا الشي تعبني بعد التخصص .. المواد كلها سهلة ماعدا الماث يبغاله وقت اكثر في المذاكرة
ومشكلتنا التكاليف والواجبات اللي يعطونا هيا والكويزات الاسبوعية
هذا الشي اللي يخليك تحسي بالضغط وان الوقت غير كافي

احلى شي في الهندسة؟ مافيها شي حفظ ابدا .. كله فهم وتطبيق

انا برضو كانت عقدتي الحفظ

اذا تحبي ماث وفيزيا خلاص انتي عديتي نص مشوار الهندسة 😂

المواد الثانية سهلة .. برمجة .. المادة اللي تتذاكر ليلة الكويز وليلة الاختبار فقط ☺
ورسم هندسي .. هنا حتبذلي وقت ومجهود خاصة لو ماكنتي تعرفي تتخيلي
نستخدم فيه برنامج السوليد ووركس .. مممممتع بالنسبة لي
شوفي في اليوتيوب مقاطع لذا البرنامج وخذي فكرة عنه
يمكن يجذبك وكذا

الهندسة يبغالها تنظيم وققت وبس وحتشوفيها حلوة وسهههلةةة وممتعةة


بالنسبة للجدول للاسف مضطرة تمشي على الخطة الدراسية بسبب قلة هيئة التدريس عندنا ف مافي مجال نتدلع ف الجداول 😊