09-09-2014, 04:34 AM
|
 |
|
|
تاريخ التسجيل: Apr 2013
الكلية: كلية الاقتصاد والادارة
التخصص: علوم إدارية ♥
نوع الدراسة: إنتساب
المستوى: السادس
البلد:
جــــدة
الجنس: أنثى
المشاركات: 544
|
|
الاعفاء لمستفيدين الضمان اتفضلوا
بسم الله الرحمن الرحيم
السلام عليكم و رحمة الله و بركاته ...
عارفة انو الموضوع متأخر , بس ان شاء الله الكل يستفيد منو , في السنوات القادمة ,,,,
اولى شئ راح اتكلم عن الترم الاول , وقتها ما كان فيه اعفاء , بس في بنات قالولي روحي الجامعة وقولي لهم ابى اسدد على حساب الضمان , و رحنا الجامعة 
روحت وكلمة حارسة الامن , و قالتلي روحي خدمة المجتمع , طبعا مشيت من البوابة الغربية الين خدمة المجتمع على رجولي ( الله يكرمكم)  < أصلن عادي أحب المشي
وصلت المبنى , ماخليت احد ما سألتوا و كل وحدة توديني مكان , الين ما وصلنا للمكان المرغوب 
الحمدلله و صلت للمسؤولة و طلبت مني : ( بطاقتي الجامعية - بطاقة احوال - و اعتقد انها طلبت بطاقة الضمان )
و اعطتني خطاب قالت اختميه من الضمان و تعالي اعطيني اياه قولتلها ماش 
و رحنا لضمان و الحمدلله ماطولت فيه امكن خمسة دقايق اعطيتها بطاقة الضمان و بطاقة ماما و ختمت الخطاب و انطلقنا للجامعة 
و الحمدلله سددولي الترم الاول على حسابهم 
نجي دحين لترم التاني و الاعفاء 
كتبت موضوع في المنتدى و الحمدلله المستشار ماجد قرشي الله يعطيه العافية ماقصر معايا في شئ 
بس المصيبة انو الاعفاء قفل و طول الوقت ابكي و ليش انا كدا 
بعد كم يوم و الحمدلله فتحوا الاعفاء
قدمت كل الاوراق المطلوبة مني
اول شئ الموقع تنزل المستندات المطلوبة سكينر
1. الهوية .
2. كرت العائلة .
3. افادة من وزارة الشؤون الاجتماعية تفيد بتسجيل الطالب ضمن فئة الضمان الاجتماعي
خطاب موجود في الموقع حق الاعفاء فيه اسمك طبعتوا سكينر و ديتو الضمان طلبة مني وقتها بس رقم الهوية وضغطتين ع الجهاز ختمت الخطاب
4. بطاقة الضمان للطالب أو لولي أمره
بطاقة الصراف
5. احضار برنت من الاحوال المدنية موضح به المهنة الخاصة بالطالب
ما افتكر اني جبتلهم هوا
6. احضار برنت من التأمينات الاجتماعية
ما افتكر اني جبتها برضو
و حطيت كم مستند اضافي ( هوية ماما - صك الاعالة - صك الطلاق )
بعد مايرسلوا لكم رسالة ويقولوا موعدك في اليوم الفلاني الساعة الفلانية < نصيحة لوجه الله روحي بنفس اليوم بس روحي من بدري لانهم مايعترفوش بالموعد
قبل ماتروحوا جهزو كل المستندات الاصل مع صورة
جاء دوري طبعا بعد طول عناء
واخدت مني كل المستندات و الصور و الموظفة حبوبة تطابق الاصل و الصورة و تتكلم < الله يسعدها نستني الم الوقفة
و بس هذا كل الي صارلي وقت الاعفاء اتمنى اني افدتكم
بالتوفيق للجميع
|