[asma'a]

وعليكم السلام ورحمة الله وبركاته

موضوووع قمييل بالمررررررة

انا ححكيكم تجربتي الجميلة

طبعن دا التررررم ماكان مضغووط بقد ماحسيتوو اهمال مني

.. البرمجة ..

مادة جميلة في الحيااااة .. والصراحة اللي حببني فيها دكتورة غادة الدباغ .. تحسسك انك عبقووور .. بس طبعن لازم تبذلي مجهود وتشدي حيلك

المادة ي طويلين العمرررر يبالها فهم وتطبيق .. انا الصراحة مامسكت الكتاب الا في الدوري الأول .. وطبعن كانت طريقة مذاكرة فاشلة .. لأن ضاع وقتي وأنا أقرا في الكتاب وماطبقت :p ..

والصراحة الاختبار الأول ماكان صعب .. لأني رحت راجعت الورقة قبل الدوري الثاني .. حسيته تافه .. بس المشكلة كانت في الربكة والتوتر والخوف من الامتحان .. ودا مو كلامي لوحدي .. كلااام كل البنات اللي راجعو معايا ^_^..

فمشان هيك الدوري الثاني غيرت طريقتي في المذاكرة .. وصرت بس أحل اللاب شيت .. واشووف التمارين اللي في المنتدى .. واحاول اشووفلي أفكار واشغل مخي .. وطبعن طول اليوم وانا فاتحة اكليبس .. وجلست اجررب أي شيء يجي في بالي وايش النتيجة اللي ممكن تصير ..

والكتاب رجعتلوو في الأشياء اللي ماكنت مررة فيها .. أو اللي كنت شاكة من فهمي فيها ^^..

والحمدلله ذي الطريقة طبقتها في الدوري الثاني والفاينل وماشاء الله تبارك الله مشي الموضوع معايا بعد توفيق الله وفضله ..

بس طبعن انا ماسويت دا الشيء الا عشان ماعندي وقت :p ..

لكن انتوو اللي لازم تسووه .. انكم تقروو الكتاب أول بأول .. وتجيبوو دفتر ع جمب .. وتكتبوو الأشياء اللي تحسوو نفسكم تبوو ترجعولها بعدين بطريقتكم طبعن .. عشان يسهل عليكم استرجاع المعلومة بعدين ..

لأن دي المااااااادة ماتتذاااااااااااااكر .. بس يبالها تكوني فاهمة وتطبقي أول بأول ..

.. الحوسبة ..

هذي المادة الأربعة شباتر الأولى سهلة الحمدلله .. وكمان الشابتر الأول درسناه من السلايدات :p..
لكن شابتر 5 و 6 فيهم كمية دش مش طبيعية :p ..
فانتوو لوو مرررة حاسين نفسكم مضغوطين .. خصصوو لدي المادة ساعتين في الأسبوع .. أو حتى خلو دي الساعتين يوم الخميس.. عشان تقروو المحاضرات حق الاسبوع .. وتترجموو الكلمات الصعبة عليكم .. وعشان لوو فيه مقارنات تلخصووها ع جمب .. ولوو قدرتوو كمان .. من شابتر 5 وفووق .. كل ماخلصتوو شابتر لخصووه ... عشان لما تخلصوو مذاكرة ترجعوو للتلخيص وترتبوو معلوماتكم
نصيييييييحة مني .. اشتغلوو ع نفسكم من بداية السمستر عشان مااتتورطوو في الاخير

.. الأساليب ..

دي المادة 60 درجة عالواجبات ..
و20 ع الميد التيرم ..
و20 ع الفاينل ..
وطبعن الواجبات قروبات .. ماعدا أول واجب حق السيرة الذاتية والكافر ليتر ^^..
فمشا هيك .. من البداية قسموو الشغل بينكم .. عشان مااتتأخروو .. وتخلصوو واجبكم بدري وتراجعو الاستاذة قبل موعد التسليم .. زي ماقالت الأخت شاشا .. والسمستر اللي فات .. شفت بنات بيعملوو زي كذا ماشاء الله تبارك الله ..
اماا قرووبي :p .. كنا نسلم الشغل يومتوو .. وليلة التسليم ننكررررف كرف الله لا يوريكم هوا ^^..
طبعن كان عندنا سوء تنظيم :p .. لكن الحمدلله عدت المادة ع خيير
دي المادة لو فهمتي مع الاستاذة ولغتك كويسة :p .. مايحتاجلها مذاكرة أول بأول ^^..
لأن يبالها قراءة بتركيز وحفظ بعض النقاط .. لأن الاستاذة تاخذ بفهمكم ^^.. (أتكلم عن أستاذة غادة .. مدري عن البقية )..

.. الاحصاء ..

دي المادة تحتاج مذاكرة أول بأول .. أنا مشكلتي يومة الاختبار أكتشف الأشياء .. بعضها أوقف عليها و بعضها أمشّيها ..
فلوو تقدروو .. ي حبذا لوو تقروو المحاضرات أول بأول .. وعشان تتشجعوو .. سوو قروب مذاكرة في المنتدى .. ولو ماتبوو في المنتدى سوو قروب في شعبتكم .. ويصير أوقات البريك تجلسوو سوى وتشوفوو النقاط اللي مو فاهمينها .. وبكذا الكل مستفيد ان شاء الله

.. الثقافة ..

دي المادة تتذاكر يومة الاختبار :p ..
بس أهم شيء تقرأوو بتركيز ^^.. ولوو كان عندكم وقت شوفوو النماذج اللي في المنتدى ^^..
لأن الناس اللي شافت النماذج يقولوو يجي منها ^^..
انا عن نفسي ما يمديني اشووفها لأن ي دوبك أخلص مع قرائتي اللكيعة :p .. بس كانوو صاحباتي لوو شافوو شيء مهم او حسووه يلخبط ينبهووني عليه ^^..

وبالتوفييييييق

دمتم بخير