[BaN BaN al sini]

المشاركة الأصلية كتبت بواسطة tag2000sa كلام جميل ... وكمان ... اللي يبغى يعرف قيمة اﻷخ ... يسأل اللي ماعندهم أخ ... ولا يشوف كيف يتمنو اﻷخ بأي طريقة .. (اﻷخ من اﻷب و لا بالرضاع) --------------- بس أبغى أقول كلمة في نفسي لو عندك أخت وحدة ... مرررة حلو ... لو عندك أختين .. وناااسة .... لو ثلاثة ... رحمة والحمد لله لو أكثر ... الله يعينك ويصبرك ويزيد من قوة تحملك على اللي حتشوفه منهم وخاصة لو كنت أكبرهم وبصراحة عن نفسي .. أنا ما أدلعهم لكن طيب بحدود ولا أقسى لكن أخاصمهم لو غلطوا في حقي .. ويمكن أميل لمجموعة عن مجموعة بحجة إنو الصغير مو زي الكبير في المعاملة غير اللي بعيد عنك مو زي اللي عايش معاك .. والله كريم

صدقت في كلامك والله

بس شوف حبيبي اخواتك دولا جواهر في البيت إنتا اخوهم إلي تصونهم

خليك قريب منهم وشوف إحتياجاتهم وإيش ناقصهم ولا تبخل عليهم بأي شي

مو بس طلبات وكدا

افهم حاجاتهم العاطفيه اديهم كل إلي تقدر عليه من عطف وحب

واظهرو سواءً (ضمه-بوسه-كلام حلو-غزل....إلخ) اختك هادي تحتاج لكل دا

اوقات الاباء يكونو بعيدين عن بناتهم فهنا يجي دور الاخ

مشكلتنا إنو الاخوان يستحو من اخوانهم والعكس

وبالنسبه للفرق الصغار والكبار انا شايف إنو الفرق بس في الاحتياجات العاطفيه

يعني الصغار ما عندهم ديكا المشاكل والفراغ العاطفي زي الكبار

الكبار يبالهم حنان وإهتمام اكتر من الصغار

الصغار تقدر بكلمتين تضحك عليهم وبحلاوة تسكتهم لكن الكبار يبالهم كل الاهتمام والحرص والرعايه

واتعلمو يا اخوان ما تقولو لأ لأخواتكم

يعني شفتو شي غلط او شي ما تحبو في اختك

لا تعنفها وبالقوة وتجبرها على شي هيا تحبو او تتضايق منو لأنو راح تعند وغير كدا راح تسوي الشي دا من وراك

يعني زي مثلا حكاية الكشف والغطا

في اخوان ما يحبو إنو اخواتهم يكشفو

لا تجي وتقولها لا تكشفي وغطي وجهك لا اضربك ولا لا لالالا ...إلخ

تعال ليها باسلوب حلو وبشويش وإقناع

وصدقني اختك تحبك وراح تسمع كلامك وتسوي إلي يريحك

ترا البنات الكلمة الحلوة تمشيهم

وفي الاخير ربي لا يحرمك من اخواتك وربي يخليهم ليك :) ويخليك ليهم كمانا

وانا اسف عالاطاله

اخوك

بندر الصيني