[rubi]

السلام عليكم ورحمة الله وبركاته

كيفكم يا حلوين .. ان شاء الله كويسين وبخير .. حابة اشارككم شي بداخلي ويارب تستفيدوو .. والكلام بالعامية باسلوبي .. وفي بقية للموضوع انا ماخلصت .. وحابة اشوف ردودكم وارائكم ــــــــــــــــــــــــــــــــــــــــــــــــــ ـــــــــــــــــــ انـــت تحــــب نفســـكـ ..؟ >>كيف تسالي السؤال دا اكيد احب نفسي لالالا انا مو قصدي حب النفس هي الانانية ..في نوع تاني من حب النفس غير الانانية ## وهو انك تحب نفسك لدرجة انك تكره تهينها .. تحب تعزها وتقدرها وحاسس بقيمتها كوويس >> لالا ايش قصدك فهميني انا اقولك .. شوفو يا حلوين .. ربنا لمن خلق الانسان .. اوجد فيه تلاتة غرائز لازم تكون موجودة >>ايش هيا؟ غريزة الطفح اللي هيا الاكل والشرب ههههه وغريزة الجنس وغريــــزة .. الاعتـــــــزاز بالنفـــــس .. والشعور بقيمتك وانك قد ايش مهم اول اتنين كلنا نعرفهم وواضحين صوح؟ .. تيب .. اللي حابة اكلمكم يا حلوين عنها هيا التالتة @ الاعتزاز بالنفس @ يعني بمعنى انا نفسي غآآليــة عندي ومهمة ومستحيل اهينــها باي شكل شوفو يا حلوين .. كل انسان فينـــــــا يححححححب انو تنقال انجازاته ... والاشياء اللي حققها وسواها .. ويعتز بتاريخه وبكل شي كوويس سواه .. ولمن يكبر يحكيها لاولاده .. مثلا # ابوكم درس في الجامعة فالفلانية بلندن 7 سنين #امكم اشتغلت مديرة شركة لمن كنت شابة وابوكم مدري ايش سوا عشان يتزوجني عشاني غالية عندو احم احم خخخخخ أي شي كويس نحب نحكيه وغصبا عنك تلاقي نفسك تتكلم عن انجازاتك .. شي غريزي .. وكل انسان فينا يحب يهرب من اخطاؤه وينسي نفسو الاغلاط اللي عملها >>ليش؟ لان غريزة الاعتزاز بالنفس الموجودة جوتنا .. تمنعك من انك تحكي عيوبك واخطاءك ,, وعشان كدا كلللللنــا نحب الستر ونكررره الفضيحة ... عشان الفضيحة تعري النفس وتهين النفس ،، كلنا ليش نكره انو احد يغتابنا او اتكلم من ورانا؟ ونززعل غصبا عن نفسنا؟؟ لانها تجرح النفس .. وتقلل من اعتزازك بنفسك اللي هيا شي مهم لازم تستشعره قرات مرة انهم عملوا احصائية عن اكتتتتر كلمة يستخدموها الناس في التلفونات تفتكروا ايش الكلمة اللي تتكرر كتيييييير؟؟ أنــــــــــــــــــــــــــا يعني الناس كولها انانيين ؟... لالا الناس مو كلها انانية لكن الغريزة اللي كلمتكم عنها ضروري الانسان يحسها تيب ممكن اسالكم سؤال؟ ليش ربنا خلق الغريزة دي فينا ..؟ لو عرفت وفهمت سبب خلقها .. حتعرف هدف موضوعي دا يعني غريزة الاكل والشرب .. والجنس.. سبب خلقها معروف .. لبقاء الجنس البشري طيب وغريزة الاعتزاز بالنفس؟ اوجدها ربنا لحاجة عجيبة مررة ربنا يحبنا كتييير .. وطول ما الغريزة دي حاسينها .. الانحراف والمعاصي تقل ليش؟ عشاننا كللنا نبغى نحس اننا محترمين ونكرم نفسنا .. نخاف من الفضيحة فا عشان كدا ربنا خلقها .. عشان يحمينا من ارتكاب الاخطاء والانحراف الانسان بطبيعته يبغى يكون معزز مكرم

[motr]
ليا باك ان شاء الله
[/motr]