رد: كيمياء حيوووي❤ الفيصلية
وعليكم السلام ورحمة الله وبركاته
اهلا اهلا بزميلة التخصص،لو حتثبتي جدولك على كدا فهو ممتاز ماشاء الله
عندك الايض اخدته مع د.حنان ماحسيت اني خرجت بفايدة من دي المادة واذا كنتي درستي معاها قبل يمكن يكون الموضوع اهون عليكي لانك حتكوني اتعودتي عليها انا كنت اول مرة ادرس معاها
الاحياء مادة لطيفة ود.ندى ماشاء الله عليها الكل يمدحها ولو اني مادرست معاها بس اقولك لاتخافي عندها
البيولوجيا كمان كويسة وماعندي فكرة عن د.ليلى ان شاء الله تتوفقي معاها،اذا لقيتي مع صالحة او عايشة العلواني لاتترددي
ثقافة نفس استاذتي ماعرف عنها وان شاء الله انها كويسة
اسس التغذية اذا مع رويدة حتنبسطي كتيرر فيها ان شاء الله،اسالي الي اخدوا مع غيرها لان بعض الاستاذات المذاكرة من الكتاب والنشاط يكون معرض
وبما انك ماشاء الله مستوى سادس حاولي تكملي الساعات ل17/18 تفرق في المعدل كتير،فرصتك الذهبية في السادس والسابع اخر ترمين يرتفع بشكل بسييط.
موفقة يارب،نستناكِ اخر الترم تبشرينا
|