[Dr~NanoOok]

المشاركة الأصلية كتبت بواسطة Glamor Mada شكرا دكتوره نانوك .. البراكتيكال مره حماااس وممتع .. لكن اكيد زي كل شي في الحياة لما تحاولو فيه اول مره هيكون صعب والنتايج ما تكون عاجبتكم لكن مع التمرين ومره بعد مره هتشوفو الفرق .. انا كنت اوقات البريك احيانا ما اخرج من الجامعه كنت انزل تحت في اللاب واجلس اتدرب على الكارفينغ الحمدلله الين صرت ممتاز في الشغل ومن كثر ما كانت دكتوره ايمان تشوفني اجي واتدرب في اختبار الفاينل ساعدتني وقالتلي انت تستاهل .. يعني انتو كل ما اجتهدتو اكثر هتلاقو نتايج احلا على قولت المثل من جد وجد بعد اول وثاني محاوله حاولو انكم تشجعو نفسكم .. قولو بنفسكم انه شغلي مو مره سيئ بالنسبه لأول محاوله ! واخر السنه رح تشوفو الفرق الواااضح ">

ههههههه يحمس .. وحلوو تباين الأحجام مابينهم

أنا أول واحدة عملتها كانت بالضبط كأنها كون ايس كريم
لكن بعدين الحمدلله ضبطت بالتدريب ..

وفعلا لا تضيعوا أي وقت فاضي.. روحوا واتسلوا على الكارفينق ^^

وماشالله كويس الحماس والاجتهاد اللي عندك
إن شاء الله السنة الجاية مع معمل الفانتوم يصير اتدرب أكثر وراح تضبط الشغل

المشاركة الأصلية كتبت بواسطة مَـزٍآج ..}.. ذكريآت حلوهـ الآب . . اما على حكآيه اول سنـه تسويها راح تضحك على نفسكـ كتيررر وعلى ايامنآ كانت فيه دكتورهـ سآميه الله يذكرها بالاخيرر وبالصراحه هيا كانت مره شديده ومره ا شتغلت على سنه في البيت وكرفت فيه يمكن ساعتين وجآي الجامعه مبسووط واروح ها ي دكتوره كيـف الشغل الا تقولي هوا انتآ بديت تشتغل وتنحت فيه ولا لا وبدأت تتونس عليآ هههههههههههههه . . وقتها حرقت السنه ورميتها الله يذكرها بالخيـر كانت شديده بس مره كويسسه >> كانو خرج عن الموضوع مشكووره ع الموضوع الحلووو

دكتورة سامية عمر .. وهو في زي دي الدكتورة !
صحيح شديدة شوية.. لكن لمصلحتك .. وداااااااائما بتفيدنا
عندنا كمية دقة وأمانة بالشغل روعة

درستنا أساسيات الأسنان في الدنتال اناتومي والاورال هيستو
وبشكل قوي ورائع ..
حتى الرسومات حقت الهيستو كانت تصححها لنا بكل تدقيق
كراسة كل بنت بالدفعة تجلس تصصحها بكل تفاصيلها وتقولنا فين الخطأ

وكله عشان حنستفيد من التفاصيل ويسهل علينا الدراسة والحفظ

انسااااانه وحبيناها من قلبنا.. وجدا طيبة وراقية في التعامل
وخاصة في مادة الاورال هيستو أفضل من درسنا فيها وفهمنا هو


ولما تجي رابع حتلاقي أنواع دكاترة يحبطوك بشكل !
وبأسلوب معليييش "يخلو من الأدب" ولما تقابلوه حتعرفوه الدكتور

الله يكون في العون "^^

المشاركة الأصلية كتبت بواسطة ندوشآ وآوو تحححمس آلمآده .. آلله يوفقكم يآ صقيقآتي آلسنه آلجآيه و تنحتووآ كويس .. عشآن مآ تجي دكتوره زي دكتوره سآميه و تتونس ع شغلكم ... آنآ كنت مرآ محتآره بين آلآسنآن و البشري ... و مآزلت .. لسآ فيآ حنين للآسنآن و آحب آدخل آلمنتدى آشوف آلموآضيع آللي زي كذآ .. ع فكره آلآسنآن مآ كآن في بالي آني آدخله آبدآ بس مرآ دخلت المنتدى هنآ و شفت موآضيعك د.نآنوكـ و ربي آتحمسسست حمآس مو طبيعي و سرت آتآبع كل شي تسويه .. و كل موضوع تكتبيه لآزم آقرآه .. :( بس مآ آعرف ليه آخترت بشري .. يلآ آلحمدلله ع كل شي .. و ثـآنكس آلوت ع التوبيك ^.^

اهلا بك عزيزتي

داااااايما الحماس يارب ^^
وهي خيره من ربنا سبحان الله.. فلا تزعلي أو تندمي بما أنك استخرتي
وربنا حيسعدك في تخصصك باذن الله

وخليكِ متابعتنا هنا.. يصير تكوني على اطلاع بأمور الأسنان وتقدري تفلسفي على صحباتك بالأسنان :p هههههههههههه

المشاركة الأصلية كتبت بواسطة Kaira واااااااااو د.نـــآنوكـ موضوعك بصراحة جبااااار ومتعوب عليه بصراحة ^^ ههههههههه >> القلوب عند بعضها بصراحة كنت بحط موضوع على الواكس وعن الكارفينغ بس سبقتيني .. بصراحة الكافرينغ شغلو مررررررررة حلو وتحسو وانتو بتعملوه انكم من جد دخلتو أسنان وانكم من جد بستوو شي حق مستقبلكم ،، راح تتعلمو الدقة وهدوء الأعصاب والبال .. ولا تتوقعوا انكم راح تزبطوه من أول مرة وحتى لو زبطتوه أول مرة ممكن ما تسووه كويس تاني مرة فعشان كدا التدريب ثم التدريب ثم التدريب ولا تتحبطو من تعليقات الدكاترة لأنهم يبغوكم تكونو الأفضل دايما .. أدربو كتيييييير عليه =) أنا حبيت شغل الكارفينغ بس الآرتيكيوليتر كان أحلى بالنسبة ليا لأنهم راح يعطوكم طقم أسنان ( فك علوي وسفلي ) شايلين منو Premolar و Molar وتبدأو تبنو فيه .. مرررررررررررررة كان حلو وكنا مررررة ننبسط ودايما كل ما نكون فاضيين أو في البريك نروح المعمل ونشتغل .. بالنسبة للدكتورة إلي كانت تشرف علينا أكتر شي في المعمل هية دكتورة هناء كانت تجي وتكون متواجدة في المعمل حتى لو ما يكون يومتها عندنا معمل فكانت تشوفلنا وتصصحلنا وتقول إيش الغلط وايش ناقص وزي كدا وكل ما تسمعو تعليقات أكتر كل ما يتحسن مستواكم أكتر ويسير شغلكم أحلى =) ولا تسألو الدكاترة عن الدرجة الي ممكن تآخدها من شغلكم لأنهم مرح يجاوبوكم لأنو هدفهم الأساسي هوة التعليم وترسيخ المعلومات بطريقة حلوة وممتعة وانكم تحبو الشي الي بتتعلموه مو عشان الدرجات لأنو من كتر ما تشتغلو راح تدققو في حاجات كتيرة تدرسوها في النظري وترسخ المعلومات النظرية أكتر .. دكاترة ودكتورات المعمل معاكم وراح يساعدوكم في كل شي .. بالنسبة للواكس وأدوات الأسنان انشاالله راح يجوكم بنات من دفعتنا ونقولكم على كللللللل شي فما تخافو أبد ^^ بــــ التوفيق لكم جميعا

فعلا القلوب عند بعضها ^_^



يصير اعمليلنا موضوع عن الـ waxing up للأسنان .. ونصير نعرفهم عليه

وأبغاه احلــــــى من موضوعي .. من جد والله بتكلم ;)



وحطيلنا تجاربك معاه .. من دحين متحمسسة لموضوعك ^^





وكلامك عين العقل.. كل الملاحظات من الدكاترة بتفيدكم.. وبشكل مررررره كبير

اعرفوا كل الطرق والكنيكات حقت كل دكتور لأنها حتفيدكم كثير وخاصة بشغل العيادة

لما تقابلوا حالات مختلفة.. يصير اسهل تشتغلوا بالطريقة الفلانية للدكتور الفلاني وهكذا



وشكرا على مشاركتك الروعة

المشاركة الأصلية كتبت بواسطة goodone في البداية توقعت ان الشمع حجمه كبير يبدو انها بتكون سنة دراسية ليست سهلة لكنها ممتعة الله يعطيكِ الصحة والعافية يا دكتورة

أي تخصص طبي لا يخلو من الصعوبة



لكن لما يكون ممتع.. تنسوا التعب كله والله ويبقى أحلى نتيجة ^^



الله يوفقكم يارب