اهلن ياأطعم ميرندا في الكون...لا مدام ياويلنا
ان شاء الله معاكي خففففففففت منك الصراحة هههههه
امزح والله الدراسه معاكي في شعبه وحده تنشرى ياقمر
الحال من بعضه يالغلا..ماتشوفيني ابغاها بالغصب
والله ياعسسسل انصحك تاخدي علم انسان بس اضن للان مانزلو اسم الاستاذه بس نزلو لها شعبتين واتوقع انها مع استاذه منيره الرديعان الصرااااحة دي الاستاااااذه روووعه وأسئلتها سهله
ان شاء الله لو نزلوها مع أ.منيره حاخذها
وتطور الفكر مع استاذه سلوى سالت وحده من البنات تقوووول طيبه وانتي دحين تقولي كلامها كتيرررر ودا شي ينرفز الصراحة مااحب كدا
من حيث كثير الكثييييير واذا راقبت في الاختبار ماتسكت وانا جدا يضايقني الوضع لدرجة انه ممكن تنزل درجاتي عشان هذا السبب بس ....بس ممكن اذا كانت طيبة واسألتها سهله يشفعلها هذا الشي..الله المستعان
ونفسسسسي اخد مع دكتوره عائشة مررررررره بس اخاف دي المواد يحذفوها لنا او يعملولنا قلق عشان من المستوى السادس وهيا ماسكه شعبه وحده بس..وان شاء الله الترم الجاي تنزلها ماده واخدها معاااااها على طول
والجغرافية الحيوية انا حطيتها في جدول مبدئي عملته قبل الحذف والاضافه مع استاذه ابتسام الغامدي الشعبه اللي من 11:12.20 ونصوص جغرافية برضو وحده من البنات نصحتني اخدها وقالت ارتاحو منها واستاذتها كمان كويسه
وكنت مفكره اخد مع دكتوره هند المشاط اشكال سطح الارض بس البنات مرررره مامدحوها ليا فا بطلت اخدها
وطرق البحث الجغرافي مانزلوها لدا الترم اكيد راح ينزلوها للترم الجاي واخدها ان شاء الله
ومبادئ المساحة والدراسات الحقلية راح اخدها مع خيرية لانها هيا الوحيده اللي تدرسها دا الترم وحاطه يدي على قلبي بس متوكله على الله لاني سمعت من البنات انها شويه تقعد الامور وعصبيه
ودي صورة جدولي المبدئي قوليلي رايك فييييه لانه اكيييييد يهمني.. ياعمري انتي
امممممممم اول شي ملاحظة انك مريحة راسك في الجدول اجل يوم الربوع مادة وحده
طيب عندي ملاحظة لك ..انتي حاطة ثلاث مواد يوم الاحد والثلثاء.. ومادتين السبت والاثنين والاربعاء طيب هاذي الحركة ماتنفعك في الاختبارات الدورية لان الاحتمال اكبر انه يجيكي مادتين في يوم لو خليتي 3 مواد في يومين ..بس عموما الجدول حلوو وبالتوفيق ياعسلــ.. وانا بإذن الله اذا سويت جدولي حنزلو هنا ..