رد: سحب مادة
وعليكم السلام ورحمة الله وبركاته
اهلا وسهلا فيك ياغالي
سحب مادة يعني حذفها من الجدول الدراسي لهذا الفصل فقط
الطالب يحق له اضافة وحذف المواد في فترة تعديل الجداول في بداية كل فصل, واذا انتهت فترة تعديل الجداول وبدأ الفصل الدراسي يفتح شي اسمه (سحب مقرر) اللي هو تحذف المادة من الجدول الدراسي لهذا الفصل فقط وتضيفها في اي فصل قادم لان لازم تدرسها عشان تخلص كل مواد الخطة الدراسية. طبعا انت طالب انتساب فما عندك مشكلة في هذا الموضوع لان فترة الحذف والاضافة متاحة لك حتى وقت انتهاء السداد للرسوم وما عندك دوام عشان تشيل هم المادة.
مين اجل اللي يستفيد من هذه الخدمة؟
خلنا نفرض طالب انتظام اضاف ٦ مواد (١٨ساعة) وبعد شهر حس انه ضغط نفسه فيضطر انه يسحب مقرر من جدوله الدراسي لهذا الفصل عشان لا تأثر كثرة المواد على درجاته.
يارب اكون افدتك ياخوي
وياهلا
ناصر الأسود - سكاو
|