09-09-2011, 08:16 AM
|
#25
|
تاريخ التسجيل: Oct 2009
التخصص: ٍSpecialized in Drugs
نوع الدراسة: إنتظام
المستوى: السابع
الجنس: أنثى
المشاركات: 242
|
رد: نصايح
طيب ممكن احد يعطينا مثال ، اذا ماعليه أمر
على اساس يكون عندنا [ خلفيه ] عن الموضوع
وبالنسبه للشرح يا قتيبه ، حتى لو شرح لك الخفيف .. مو هو الي يحط الاسئله خخخخخخخ
وتكون الاسئله على شرح واسلوب ونمط دكتور ثاني خ خ خ
|
د.مدحدر, مثال, الصيدلانيات. ^^
الترم الاول يعتمد على المنطق الرياضي, اللغة تلعب دور في فهم السؤال.
انا بالنسبالي كانself study مع نفسي ولله الحمد جبت كويييييس << هذي فايدة الكتب
اما الترم الثاني نظري وما اعطيتها حقها بالكامل , جبت كويس الحمدلله بس مو زي الترم الاول << اسوأ شيتات شفتها للاسف, بس مشي حالها, لا تخافوا, بس اعطوها حقها
:)
مدحدر انت قصدك أسئلة إختبارات الصيدلة .. ? .. أنا اللي أعرفه انه دكتور المادة هو اللي يحط الاسئلة ويصحح وع كيفه كل شيء بالدرجات ..
د. أبرار .. كل عام وانت بخير ^^
س / ايش فايدة u s b .. ?
س / قبل الاورقنك من وجهة نظرك مادة الصيدلانيات .. ?
أسأل لأني ما أشوفك كتبتيها ..
وبالنسبة لكلامك عن الكتب أنا أشوف إن أغلب الطلاب يعتبروا الشيتات نعمة لأنهم متعودين عليها من زمان حتى في المدارس والتحضيري مو مقياس لأن أكثر موادها أساسيات وكتبها لو تلاحظي ع سبيل المثال كتاب الكيمياء أبو 1000 صفحة فيه جزئية بسيطة شرح وثلاثة أرباعة تمارين وما أتوقع إنه في أحد بيفكر يحل هالكم منها, وبالنسبة للشيتات اللي أسمعه إنها تختصر الموضوع وفيها كل شيء والدكتور ياخذ منها الزبدة للموضوع كله وبصراحة حكاية الكتب أنا تعجبني أني أستخدمها كمرجع لمعلومة حاب أتاكد منها أو أربطها بشي معين موجود بالشيت بس كدراسة أحس الوضع صعب جدا ويحتاجلها جهد غير طبيعي من ناحية اللغة والترجمة والوقت كله راح يضيع ع الفاضي طبعا أتكلم عن الأغلبية اللي لغتهم متوسطة وما تساعد وبرأيي إن هذا أهم سبب يخلي الواحد يشمئز من شي اسمه كتاب ..
|
وانت بخير وبصحة وسلامة د.قتيبة ^^
- فايدة ال usb انو في البدايات كانوا الدكاترة يعطونا المحاضرات ويحطوها في الكمبيوتر, يعني اذا تبغى تآخدها - هذا كان عندنا
- سووووري هههههههه لا لا مو قبل الاورجانك, نفسي اعرف مين سوالك رعب من الفارماسيوتكس, انا بالنسبالي بعد الاناليتيكال ؛)
- وصلنا لدرجة الاشمئزاز... شوف دكتور, كلامك صح من ناحية انو الوضع بيكون صعب بسبب اللغة, لكن, الى متى؟ يعني الواحد بيتقن اللغة لمن يقرأ ويتعلم ويخطئ ويصيب وياخد دورات, مو معقولة انو الواحد تخصصه مجال صحي وكله باللغة الانجليزية ويجلس بلغة متوسطة, اجل كيف حيفهم الابحاث الجديدة اللي بتطلع؟ كيف حيحاور اللي برة لو خرج بعثة؟ كيف لو يبغى يلقي عرض وما عنده ثراء لغوي؟ لازم تكون لغته ممتازة.
انا فاهمتك يا د.قتيبة, مو الكل عنده لغة, والمعظم حيعاني, لكن, نعاني في بداية الطريق ونصبح متقنين, او نعاني بعد ما نتخرج وقدام الناس...؟ يمكن تقول خطوة بخطوة نتعلم, لكن اللي بشوفه انو الدكاترة بيشرحوا بالعربي والمصطلحات بالانجليزي, والطلاب معظمهم ما بيطوروا لغتهم, ما بياخدوا دورات في الاجازة الصيفية, ما بيمسكوا كتب...نفسي اعرف ينتظروا مين يلقنهم.
مشكلة اخرى, في اسئلة الاختبار, كثير من الطلاب (انا دحين بأتكلم عن كللللل طلاب الكليات الصحية والتحضيري) ما يفهموا ايش السؤال يبغى منهم, ما يعرفوا ايش المطلوب... مشكلة لغة
ايش ذنب الطلبة طيب اللي ما قدروا الين دحين يطوروا لغتهم... انا اشوف انو الاسئلة تكون سهلة زي ما هية والشيتات تستبدل, اما عن التمارين, فتحدد, عشان مافي وقت, كتاب الكيمياء كان رائع وكتاب الاحصاء كان اروع, جدا منظم, ما اتخيل نفسي اذاكرها من شيتات...
اذا احنا نبغى نطالب بالتغيير, نقدر, بس... معظمنا يبغى يجلس مكان ما هو مرتاح دحين وما ينظر لبعيد... منظورك وكلامك صح دكتور قتيبة اذا كان تبغى تصم كل شيء, لكن هذا منظور آخر فقط ^^
صراحة كلامكم جدا منطقي واعجبتني طريقة حواركم ..
د\ابرار .
انتي انسانة راقية ..
كوني كما انتي غاليتي ..
مدحدر \\
حاول تنسى العقبات اللي واجهتك بالتحضيري وابدأ فكر كيف تتجاوز هدي العقبات لو وواجهتك في التخصص احس معاناتك بالتحضيري نفس معاناتي الحمد لله انها عدت بخييير ..
بالتوفيق لكم صيادلتنا ^^
|
احرجتيني دكتورة... كلك ذوق
اعجبتني نظرتك الايجابية
بعد سنة سادس اكتشفت انو الكتب نعمة ما احد يقدرهاااا ومن جد الشيتات كانت تدمير لقدراتنا الفكرية
بالنسبة للغة صدقني في كتب لغتها بسيطة وممتازة واجب الدكتور مو يعطينا شيت ويقولنا يالله روحوا زاكروا منوا بالعكس انو يوجهنا للمرجع اللي يتناسب مع مرحلتنا ودرجتنا العلمية
|
التعبير المعبر: تدمير لقدراتنا الفكرية
مين يسمع.. او بالاصح, مين يوافق..
|
|
|
|
|