[dr.ro0ody]

المشاركة الأصلية كتبت بواسطة sniper-1100 اعتقد كفت ووفت الاخت بيو خصوصا انها من مجال البايو كمستري نصيحتي لك لاتخلي احد ياثر عليكي وعلى طموحك راح اكلمك عن نفسي طالب مستجد في كلية صيدلة نفس الكلام معدل عاالي الحمدلله الكل يقولي كلية الطب بس انا كنت اقول لنفسي لازم الكيمياء تكون شي اساسي في الدراسة ... كنت افكر بدل ماادخل صيدلة اني ادخل قسم كيمياء في كليىة العلوم سنواتها اقل ومجال الكيمياء ممتع فيها... لكن بعد ماشفت المجالات المتوفرة للدكتور الصيدلي والشهادة اللي تمنح له انها تعادل الماجستير بدات افكرر اكثر وتركت كلام الناس واتجهت للمجال اللي ممكن ابدع فية والحمدلله اموري الان زي العسل ولعلمك يااختي الصيدلة مجالاتها الوظيفية اكثر من جميع الكليات الاخرى شدي حيلك وانتبهي لا تخلي احد ياثر فيك ابدا...بالتوفيق يارب

والله انا طموحي صيدله ومن زماااان بس اسمع كلام من كتير واهلي يقولوا لي ادخلي علوم طبيه احلى ومجالات اوسع ,,, بس بجد انا زي حالتك احب الكيمياء كتيييير
حتى وانا ازاكر الكيمياء تبع التحضيري احس انو هوا الماده الوحيده الي استمتعت وانا ازاكرها
وبجد دخلت الاختبار والله هوا اول اختبار احل كدا تمااام اصلا احل وانا مستمتعه وسلمت الورقه وانا مرتاحه نفسيا عكس الاحصاء
وبعد الكلام الي سمعتوا من بايوكيميائيه اكيد راح تكون رغبتي الاولى صيدله ان شاء الله وراح تكون رغبتي التانيه بايوكسمتري ازا فرضا ماانقبلت صيدله ومعاك حق اهم حاجه استمتع وانا ادرس مو عشان مستقبل بيد ربي
وماشاءالله عليك تركت كلام الناس ومشيت ورا طموحك ,,, انا للأسف لما اسمع كدا تبدا فكرتي تتغير
الله يوفقكم كلكم يااااااااارب ويكتب لكم الي فيه الخير بإزن الواحد الاحد