وعليكم السلام ورحمة الله وبركاته
ان شاء الله تتخرجي باعلى الدرجات وتحققي الي نفسك فيه
انا طب بشري وبجاوب على الي اعرف عليه وخلي في بالك خلال ال3 سنين ممكن يتغير كل شيء الحياة في تصاعد مستمر :)
1- هل جامعة الملك عبدالعزيز لها مؤهلات ومميزات ممكن نقول اكثر من الجامعة اللي بالشرقيه وخصوصا من ناحيه الطب ؟؟ لأني رااح اتعنى مشواار طويل جده والشرقيه يعني اذا بروح لازم يكون عشااان فارق بينهم ؟؟
|
انا ما اعرف عن جامعة الشرقية
بس مره صحبتي حكتني راحت الشرقية وادربت في مستشفى هناك والدكتور قالها دايما طلاب جامعة الملك عبد العزيز مستواهم احسن من باقي الجامعات يعني الي متخرج جيد عندكم نعامله بالي متخرج جيد جدا عندنا بالنبة للبشري فما ادري اذا ينطبق الكلام عالاسنان ...
2- كيف المناااااااااااهج كووويثه ولا مو كووويثه  ؟؟وكمان كيف الاساااتذه هناك ؟؟
|
كويسه والمستوى عالي على حسب كلام صحباتي الي في الاسنان ..
3- هل في اهتماااام لكلية الطب ؟ وكمااان هل قسم طب الاسنااان ( فل ) يعني معبي ع الاخييير بنات كتير فيه ولا في احتياااااااج لهذا لطلاب بهذا القسم ؟؟
|
فيه اهتمام ترى مررره يدلعونا ولمن نعترض يسمعونا ويسوا الي نبغاه
وبالنسبة اذا القسم فل ولا لا على حسب كل سنة يختلف معدل القبول
واذا انتي تبغي لا تفكري احتياج ولا مو احتياج شدي حيلك واثبتي وجودك
4- هل قلت في نفسك ( انا ايش مدخلني قسم الطب .. صعب )) ومثل هالكلام ؟ولأي مدى من الصعووبه طب الاسناان ؟
|
الكل يقولها في لحظة ضعف
اصلا حتى الاستشاريين احيانا يدخلوا يقعدوا يندبوا على انهم دخلوا طب بس لو رجع فيه الزمن حيرجع يدخل طب
مع الضغط الواحد احيانا يوصل لمرحلة ما يبغى شي في حياته
5- هل الواحد مجبوور انه يدرس جميع المقررات الطب ككل ؟ ولاطب الاسناان يعني بس اسناان >> احلفي اجل اسنان يعني معده خخخ سؤال كنفشواري هع
|
تدرسوا اشياء الطب على خفيف يعني مو بالعمق الي ندرسه
وتتعمقوا في الاشياء الي تخصكم
وتقريبا المناهج وحده لسنة 3 والاسنان بزيادة عننا في سنة 3
6- كيف طريقه اسئلة الاختبارات هنااك يعني تعجيزيه ومتعبه ومرهقه ولا الحمد لله كويسه ؟
|
على حسب الطالب في ناس تشوفها تعجيزية وناس مقبوله
يعني لكل مجتهد نصيب مافي شيء ماله جواب
7- هل واجهتك صعوبه في توفير الكتب لأنها غير متوفره ؟
|
لا ابدا بالنسبة لنا وما عمري سمعت انه احد بيعاني عدم توفر الكتب
8- كمااان السنة التحضيريه يعني ايش يدرسوووا فيها لأني مو فاهمه شي >> ماعندها ماعند قراند ماذر
|
يدرسوا فيزياء وكيمياء واحياء
مواد عامه مو شي تعجيزي
بس انها سنة جديدة ونظام جديد ومرحلة انتقالية ..
9- في الاخير اعيد واكرر ابي اعرف مميزات جامعه الملك عبدالعزيز ومدى امتيازها وكمان احتياجها لطالبات لكليه طب الاسناااااااان لأني الصراااحه مصممه ادرس هناااااااك ويااااااارب يقبلووني وكمان يارب الاهل يوافقووووا
يابنتي لمن تتخرجي من الثانوية ما تعرفي ايش يصير ان شاءالله خير
يارب اكون افدتك ولو بشيء قليل :)