[Radiology]

المشاركة الأصلية كتبت بواسطة طارق الحارثي اخوي صاحب الموضووع مشكور ع البادرة الحلوة منك حبيت اسالك انا لغتي في الانجلش مو مررررة عااالية انا متمكن من القرامر .. لكن لا املك الجرأة والمحادثة << يمكن عشان ما مارست اللغة .. يعني راح احتاج اللغة الانجليزية كمحاثة كثيررر في الكلية ولا لا ؟؟!! لاني افكر ادخل معهد لغة انجليزية مع بداية السنة باعتبار انه مافي مادة انجليزي مستقلة في الكلية وابغى اعرف الدوام اليومي . من كم لكم بالظبط وابغى اعرف هل رايح يكون فيه ملخصااات وحاجات مختصرة ولا لازم اذاكر من الكتاب وابغى اعرف بعد اذا في مواد تحتاج مدرسين خصوصين .. واسمائهم اذا وجدوآ

هلا أخوي طارق ..

أسمي radiology وهذي أول كلمة لازم تعرفها ومعناها أشعة .

بالنسبة للغة مثلك عارف تعتبر شيء مهم وهي لغة الدراسة وضروري تكون جيدة وخصوصاً في بعض المواد اللي فيها دش كتير .. لكن لا تشيل هم إذا كانت لغتك متوسطة فراح تتحسن مع الدراسة وبتحس بالشيء هذا مع الوقت .

وأما موضوع المعهد ففكرة جيدة لكن لا تستعجل من بداية السنة .. خذلك أسبوعين شوف وضعك مع المواد والدراسة وشوف إذا كنت تقدر توفق بين المعهد والكلية وبعدين قرر .

وبالنسبة للدراسة حيكون فيه ملخصات أما الكتب بتكون مراجع وغالباً ما راح تحتاجها إلا إذا تحب تستزيد.

وبخصوص الدوام فدوامنا خفيف وحلو جداً واحتمال يطلع لكم يوم أوف كمان إذا ماكان فيه ضغط على الدكاترة .

أما المدرسين الخصوصين فترى الوضع أبداً مو مستاهل ، موادنا حلوة وخفيفة وتنفهم وما فيها طلاسم بس يبغى لها شوية اهتمام وأمورك بتتسهل .. وبعدين اتوقع صعب تحصل مدرس خصوصي فاهم في مواد الأشعة إلا إذا لقيت لك سباك مسوي فاهم هذا شيء ثاني.