شكورا مره
خالد كنت حابه استفسر منك
انا عندي بحث ابغى اسويه
وهو يتعلق بالنبات والادويه
كيف اسوي بحكم انك متخرج
وابغى اشتغل عليه من الحين
لان ان شاء الله ساحصل على موافقه مركز لاجراء بحثي فيه؟؟
ولك جزيل الشكر
|
اهلا فيكِ اختي
و استأذن صاحب الموضوع
بالنسبة للبحث قبل ما تشغلي فيه لابد انك تمرّي على عدة خطوات
اولها الخلاصة او abstract تكتبي فيها الهدف من الموضوع باختصار شديد و يتضمن كلام العلماء او المكتشفين اللي تكلموا عن نفس البحث
ثانيا بتكتبي المقدمة introduction وفيها تعرفي الاجزاء الرئيسية اللي يتكلم عنها بحثك
يعني تتكلمي عن الادوية والنباتات بما يناسب بحثك يعني او شي بتتكلمي بشكل عام و تبدأي تشرحي النقاط اللي لها علاقة في بحثك
ثالثا المنهجية او methodology اللي هي طريقة العمل وهذي النقطة هي اهم نقطة لانك بتتكلمي فيها عن شغلك اللي اشتغلتيه في المركز ولازم يكون بادق التفاصيل
مثل احجام المحاليل و اسباب استخدامها و انوع الاجهزة المستخدمة و طرق معايرتها ... الخ
بعد كذا النتائج results وهنا بتكتبي النتائج اللي حصلتي عليها وهذي اسهل نقطة في البحث
خامسا المناقشة discussion وهنا بتتكلمين فيها عن النتايج اللي حصلتي عليها و تربطيها ببحثك و تقارنين بين المستويات الطبيعية و المستويات اللي حصلتي عليها (( طبعا لازم تكون عندك عينات طبيبعة عشان تعملي المقارنة )) و تتضمن رسم بياني و جداول المقارنة
سادسا الملخص و تكتبي فيه خلاصة بحثك والنتيجة اللي حصلتي عليها بدون عرض الارقام
يعني تقولين لاحظنا انو في حالة كذا صار كذا و في حالة كذ صار كذا بدون ارقام اتمنى فهمتيني :)
اخيرا تكتبي المراجع اللي اخذتي منها المعلومات في الابستراكت و الانترودكش
هذي بالضبط خطوات عمل البحث و ترا بالمرة سهلة وما تخوف بس يمكن تاخذ وقت منك
و احب اقولك نصيحة
بما ان بحثك ح يتكلم عن الادوية و النبات انصحك تاخذي مادة ايض عقاقير لانها بالمرررة ح تفيدك و مادة سهلة و ممتعة
وبالتوفيق لكِ يارب :)