[اماسي شمر]

المشاركة الأصلية كتبت بواسطة عزتي رآس مآلي الله الله جمال الموضوع بِكفَّة والهيدر بِكفَّة ثانية ، والمضمون أجمل وأجمل ! مبطي وأنا أحتري هالنوع من المواضيع والله ، لإني إنسانة بالمُشاركة والحماس مع القروب أنتج أكثر ياربي لك الحمد .. أكيد .. و أكيد .. ثم أكيد إني مُشاركة وبالأثنين معًا .. بِالنسبة للدايت الهدف إني أخسر 6 كيلو بإذن واحد أحد ، وهنا بقول مُلاحظة صغنونة .. * بالنسبة للدايت ماأعترف فيه أبدًا يعني تعطيني دايت وتقولين التزمي مُستحيل ألتزم فيه ، بتسأليني ليه بقول لك بكل بساطة الإلتزام وإجبار النفس على شيء ولمُدة مُعيِّنة وقدرها أمر شبه مُستحيل وإن التزم البعض من عقب الحرمان بيكون فيه تعويض وممكن مردوده يكون سلبي .. لذلك قررت أعتمد على خطة ونظام حياة بمعنى أشمل ، بمعنى إني أراقب عدد السعرات الحرارية اللي تدخل لجسمي في كل يوم + الحرص على النظام الصحي والأكل الصحي والأكيد إني بفصّل هالموضع أكثر باليوميات هالنظام يُعرف بنظام السعرات الحرارية ، فمثلًا لو تقيّدتي بِ 800 سُعرة حرارية باليوم تقسمينها على الوجبات الثلاث الرئيسية + السناكز اللي مسموح لك بتناولها ضمن النقاط أشوفه نظام مُريح ومايحسسك بالإلتزام هو تقيّد ومُراقبة فقط ولو تعوّدنا عليه بنستمر بإذن الله بدون ردود فعل عكسية لا تُحمد عقباها .. أمّا الرياضة وماأدراك مالرياضة بالنسبة لي المشي وتمارين الإحماء والإطالة + القفز على الترامبولين + رفع الأثقال فَ صار جزء مُهم من يومي بالنسبة للخلطات محتارة أنا والسبب إن بشرتي جدًا حسَّاسة وهالفترة بالذات طرت تغييرات عليها وللحين ماتعاملت معها ، وناوية إن قالها الله أزور لي طبيبة جلدية حتى أعتمد كبداية على غسول + مُرطب لكن الأقرب إلى الآن هو ماسك الجيلاتين أو ماسك الأفوكادو ، الجيلاتين لإزالة الرؤوس السوداء والبثور والأفوكادو معروف فوائده للبشرة بشكل علم ، وبعد برجع وأفصّل فيه لاحقًا .. يالله شكثر استانست على نزول هالموضوع بالأخصّ بهالوقت جعل ربي يسعدكن ويحقق لكن مُرادكن يارب شُكرًا من القلب ولا توفي الكريم حقَّه .. دُمتم بِ نقاء ورشاقة

انتي بنووووته؟؟؟؟؟؟؟؟؟؟؟؟
الله يهديتس وراتس حاطه نوع الجنس ذكررر