مشكورة ما قصرتي وبالتوفيق في عملك ، انا قريت الكتيب بس انتي عارفه الناس والفلسفة فلان كتبوله كدا وفلان كاتبينله مش عارف ايش دوشوني ،، طيب سؤالي الجديد بما انكم اقدم مني وخبرة ... بالنسبة بالوظائف ايش هي الفرص اللي اخدتوها والاماكن اللي اشتغلتوها
|
والله من دخلت الكلية والناس تفتي واحنا ما ورانا غير نصدق وفي الاخير فشوش
عن نفسي من اخر سنة بالكلية قررت اخد اي معلومة من مصدرها وابعد عن الافتاء الشخصية حتى لو كانت من شخصية مرموقة واتبعت دي الطريقة في ردودي في المنتدي اي كلام باحط الرابط الاساسي او اكتب عليها انها وجهة نظر شخصية
انا عن نفسي قدمت في الجامعه بس المنافسة مرا عالية والواسطة سيدة الموقف :)
اي احد يقول غير كدا عندي الدلائل والقرائن
الصحة الخدمة عن نفسي ما قدمت بس والله كل الي راحوا قالوهم جدة مافي غير مفاضله وتبع جدارة ودارة من سنة وكم شهر لمن دحين ولا حس ولا خبر يعني انسى الموضوع
في مكة سمعت نازله وضايف
التشغيل في لهم موقع على الانترنت انت وحظك
االعسكري والتخصصي والحرس قدم اوراقك في التوظيف وربي يقدملك الي في الخير
انا عن نفسي بس قدمت في الحرس بس تطول الاجراءات مرا
المصانع وشركات الادوية انا ماقدمت الى في جمجوم