[MS.Fabulous]

بسم الله الرحمن الرحيم
القسم:لغه انجليزيه(مستوى سادس)
الدكتوره:شاديه بنجر(نحو*syntax*(
من ناحيه الشخصيه طيبه بس عصبيه مرره بس تجي اليوم اللي بعده وتقول سامحوني اذا زعلتكم الله يسعدها
من ناحيه الشرح امممم جيد لكنها تضيع في الشرح شوي لانها مره تشرح من الكتاب ومره من العرض وتحسي اللي في العرض غيير عن اللي في الكتاب اصلا الكتاب كان اسوء كتاب مر علي صعببب مررررره وهي بنفسها قالت هذا الكتاب اعلى من مستواكم ,و الماده مو سهله ولا هي صعبه بس اذا فهمتيها مظبووووط تعدي فيها بدرجه حلوه^_^
من ناحيه الاسئله اممممم مو سهله لكن تراعي وفي الاختبارات النصفيه خبصنا مرررره وهي ساعدتنا عملت لنا اختبار تعويض من 35 درجه لكل الكتاب والحمد لله عدينا فيه وكمان في بريزنتيشن عليه 5 درجات هي قالت مو اجباري بس قالت راح يرفعكم لانو درجاتنا كانت واطيه وكمان ال5 دي تفررررق صدقييني

الاستاذه:صالحه القرني(صرف*morphology*(
من ناحيه الشخصيه طيبه مررره وهاديه جداا ماشاء الله ماتشوفيها تصرخ رايقه على طووول ماشاء الله
من ناحيه الشرح جيد يعني الماده اصلا سهله هي تشرح القاعده مثلا ونطبقها في التمارين على فكره هالماده على قد ماهي سهله على قد ماتلخبط فا لاتستهينو فيها يبغالها تركييييييز
من ناحيه الاسئله مرررررره سهله كلها تمارين وامثله في النصفي بس النهائي جابت جزء موضوعي وكان يلخبط شوي والباقي تمارين بس تلخبط كمان بس عامه الماده سهله لكن يبغالها تركييز


دكتوره:منى حمود(صوتيات*Phontics*(
من ناحيه الشخصيه طيبه مررررررررررررره لكنها ماتحب الازعاج في الكلاس لازم تكوني منتبهه معاها
من ناحيه الشرح جيد يعني تقرا من الكتاب بس الحلو فيها انها تختصر يعني شابتر نخلصه في يوم او يومين لانه اصلا الشابترات قصيييره
من ناحيه الاسئله سهله مررررررررره لكنها عيبها قله الاسئله بشكل مو طببيعي
يعني مثلا في الاختبار النصفي كان 20 درجه جابت 5 فقرات على كل وحده 4 والفقرات كانت قليله يعني لو غلطتي الغلط مضااااااعف مو درجتين اكثر هذا غير اخطاء spelling
تنقص مرررررررره عليها هو هذا شي عادي من كل استاذات القسم بس انو تنقصني نص مدري كانت درجه على حرف e
اللي زدته في اخر كلمه vowel (ادري خبله خخخ)بس شي يقهررر بس هذا عشان قله اسئلتها بس احلى شي فيها انها تصحح بسرعه يعني مره ماتخليك تشيلي هم وتحب البنت المؤدبه المرتبه اللي ماتلبس كم قصير وتنوره ميدي لانها مررره تهتم بهذي الاشياء يعني تنقصك لو كنتي طالبه مخااالفه
والماده يبغالها تركيييييز لازم تكوني عارفه الاصوات صوت وكتابه جدا مهم
استاذه:نوف الخطابي(ادب القصه*Fiction*(
من ناحيه الشرح جدا رااائع ماشاء الله القصص فاهمتها مضبوووط وطريقه شرحها لنا جدااا رائعه
من ناحيه الشخصيه طيبه واحلى شي فيها انو على قد مانزعجها بس ماتعصب خخخخخ
من ناحيه الاسئله اممممممم مو سهله خصوصا المقالي لانو الموضوعي من العروض والمقالي هي في الميد تيرم قالت ايش احتمال تجيب بس تجيب السؤال بطريقه احنا مانتوقعها يعني مو مره واضح وكمان مره تدقق في المقالي لازم يكون بيرفكت وطريقتك نفس طريقه كتابه البراغراف اللي تعلمناها في الرايتينج وهي قالت بنفسها اهم شي عندي المقاااالي في كمان بريزنيشن وكان عليه 10 امممم انا ومجموعتي عجبناها مره قالت احنا كنا مره كويسين بس عطتنا درجه اممم كنا نتوقع ااعلى منها بشوي بس الحمد لله اهم شي يوم تعملي البريزنتيشن تكوني فااااهمه وماتقري من الباور بوينت بس, يفضل تكوني حافظه حتى لو قريت شوي من الورق او العرض بس هي تحب انك تشرحي للبنات يعني زي ماتعمل هي والاكسنت حقك لازم تكون جيده واهم شي طبعا ماتغلطي في prononciation
و طبعا الثقه

استاذه:نعيمه خان(ثقافه4)
الماده طبعا سهله وقليله هذا اقل كتاب ثقافه من كل المستويات ومواضيعه حلوه الاستاذه كانت طيبه مرررره ماشاء الله وكلامها حلو ماشاء الله يعني زي مانقول لسانها عسل ^_^ اسئلتها سهله بس اول اختبار ماكان حلو بس النهائي كان جناااان الحمد لله



واخيييرا هالترم كان جدا متعب لكن الحمد لله نجحت في كل المواد والله يعطيهم العافيه استاذاتي ويسعدهم ويحفظهم وان شاء الترم الجاي يكونو استاذتي تمام كمان
وصلى وسلم على سيدنا محمد وعلى آله وصحبه اجمعين
بحفظ الله ورعايته