انا بالنسبة لي السنة اللي فاتت استأجرت شقة بالحجز بالتلفون اخته من واحد من الشباب الشقق بشقق بشارع حراء واسعارهم معقولة والخدمات تحتك ويمينك ويسارك واللي تبيه بس مافي انترنت عندهم لازم الكونكت بجيبك وصراحة اسعاره معقولة على اسعار السوق اللي نار ويستغلون خلق الله لأن اهل الشقق كلهم عارفين الفترات الحرجة ذي للطلاب وصراحة الشقة مشي حالك يبي لك معاك عدة مثل الفليت وسم الفيران لأن تدخل عليك الشقة مدري من وين تجي المهم إن الفيران اكلت علي الفنايل بالدولاب وزين ماجت الثياب لأنها معلقة والله لا يوريكم مكروه المهم برضو لا تنسون الكمامات الروايح هناك كنك الله يكرمكم بمحطة التصريف وروايح عوادم السيارات وأهم شي اذا تبون تنامون زين اشتروا كاتم ولا سدادة اذن لأن في ازعاج مو طبيعي 24 ساعة الطيران من فوق راسك والسيارات والبواري من برا والمكيفات كل شوي تطقطق هذا بالنسبة للشقة .عشان كذا اسعارهم اقل من السوق.
أما المواصلات فحدث ولا حرج أم الاستغلال من التكاسي احتجتها يوم واحد لأن تعطلت سيارتي ومستعجل وقسما بالله 80 ريال رايح جاي والحمدلله معي سيارتي بس المشكلة اللي نعانيها الزحمة يبي لك قبل اختبارك بساعتين تحرك عشان الزحمة تاخذ منك ساعة حتى توصل الجامعة هذا اذا الخط يمشي وساعة خلها احتياط لا قدر الله حادث ولا توقف السير.
المهم توبة من شارع حراء.
في شقق لقيها واحد من اقاربي بحي نسيت اسمه بس قريبة من الجامعة كلها ربع ساعة او ثلث ساعة بالكثير وانت محضر بالجامعة والخط اللي يودي للجامعة مو مزحوم ولا مشاكل والشقق يقول نظيفة مالها سنة وبعضها توها جديدة والشارع عليه خدمات بس عيبها السعر 12 يوم ب 3000 غرفتين وصالة ومطبخ ودورة مياه او تقريبا ب 2000 ريال غرفة وصالة ومطبخ ودورة مياه نسيت والله المهم من عنده استعداد يشترك معي باللي يبي واللي يقدر الله يحييه وانا اكمل الباقي والسيارة متوفرة
والمطفر مررررررررة الله يحييه انا اشيله معزز مكرم.
أنا بحجز اليومين هذي المتوفر والعرض ساري لين يوم الجمعة 17-7-1435
اللي حاب يتواصل معي تيتر
@4ever_4me او
BB: 7502F85B
والله يوفق الجميع,,,